Biełarus sprabavaŭ tajemna ŭvieźci ź Litvy darahi hadzińnik, ale zrabiŭ adnu pamyłku
Žychar Minskaha rajona sprabavaŭ tajemna pravieźci ź Litvy ŭ Biełaruś darahi hadzińnik Tissot, ale jaho vydała pustaja skrynka, piša BiełTA.
U lipieni 2026 hoda mužčyna na aŭtamabili zajazdžaŭ u Biełaruś ź Litvy. Padčas mytnaha kantrolu supracoŭniki źviarnuli ŭvahu na novuju pustuju skrynku ad hadzińnika Tissot i zaradnuju pryładu da jaho. Na vusnaje pytańnie mytnikaŭ mužčyna zajaviŭ, što nie pieravozić tavaraŭ, jakija zabaronienyja, abmiežavanyja abo padlahajuć dekłaravańniu.
Adnak padčas asabistaha nadhladu mytniki znajšli ŭ jaho nižniaj bialiźnie novy naručny hadzińnik Tissot T-Touch Connect.
Košt hadzińnika skłaŭ 1095 jeŭra. Pavodle mytnych pravił, pry ŭvozie naziemnym transpartam abo pieššu ŭ Biełaruś biez dekłaracyi možna ŭvozić dla asabistaha karystańnia tavary koštam nie bolš za 500 jeŭra i vahoj da 25 kh. Pakolki košt hadzińnika pieravyšaŭ ustanoŭleny limit, jaho nieabchodna było zadekłaravać.
Sud pryznaŭ mužčynu vinavatym u pieramiaščeńni praz mytnuju miažu JEAES tavaraŭ, jakija padlahajuć dekłaravańniu, utojvajučy ich ad mytnaha kantrolu. Jamu pryznačyli štraf u pamiery 20 bazavych vieličyń, a hadzińnik kanfiskavali na karyść dziaržavy.
Pastanova suda pakul nie nabyła zakonnaj siły i moža być abskardžanaja.
Ad redkich abrazoŭ da kitajskich vaz: što možna ŭbačyć u adzinym u Biełarusi muziei kantrabandy
Kiroŭca biełaruskaha aŭtobusa dapamahaŭ pasažyru pieravieźci praź miažu šmat hrošaj
Rasijskaja mytnia nie pavieryła biełarusu, jaki pryvioz z Dubaja 43 smartfony i skazaŭ, što heta dla asabistaha karystańnia
Biełaruskija mytniki admaŭlajuć, što zatrymlivajuć fury z Kalininhradskaj vobłaści
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary
> 1095 jevro
odnako))