Беларус спрабаваў таемна ўвезці з Літвы дарагі гадзіннік, але зрабіў адну памылку
Жыхар Мінскага раёна спрабаваў таемна правезці з Літвы ў Беларусь дарагі гадзіннік Tissot, але яго выдала пустая скрынка, піша БелТА.
У ліпені 2026 года мужчына на аўтамабілі заязджаў у Беларусь з Літвы. Падчас мытнага кантролю супрацоўнікі звярнулі ўвагу на новую пустую скрынку ад гадзінніка Tissot і зарадную прыладу да яго. На вуснае пытанне мытнікаў мужчына заявіў, што не перавозіць тавараў, якія забароненыя, абмежаваныя або падлягаюць дэклараванню.
Аднак падчас асабістага надгляду мытнікі знайшлі ў яго ніжняй бялізне новы наручны гадзіннік Tissot T-Touch Connect.
Кошт гадзінніка склаў 1095 еўра. Паводле мытных правіл, пры ўвозе наземным транспартам або пешшу ў Беларусь без дэкларацыі можна ўвозіць для асабістага карыстання тавары коштам не больш за 500 еўра і вагой да 25 кг. Паколькі кошт гадзінніка перавышаў устаноўлены ліміт, яго неабходна было задэклараваць.
Суд прызнаў мужчыну вінаватым у перамяшчэнні праз мытную мяжу ЕАЭС тавараў, якія падлягаюць дэклараванню, утойваючы іх ад мытнага кантролю. Яму прызначылі штраф у памеры 20 базавых велічынь, а гадзіннік канфіскавалі на карысць дзяржавы.
Пастанова суда пакуль не набыла законнай сілы і можа быць абскарджаная.
Ад рэдкіх абразоў да кітайскіх ваз: што можна ўбачыць у адзіным у Беларусі музеі кантрабанды
Кіроўца беларускага аўтобуса дапамагаў пасажыру перавезці праз мяжу шмат грошай
Расійская мытня не паверыла беларусу, які прывёз з Дубая 43 смартфоны і сказаў, што гэта для асабістага карыстання
Беларускія мытнікі адмаўляюць, што затрымліваюць фуры з Калінінградскай вобласці
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе13
Каментары
> 1095 евро
однако))