Памёр роўпджампер, які сарваўся месяц таму з вышкі 40 метраў пад Мінскам
Месяц ён знаходзіўся ў рэанімацыі.
У панядзелак, 9 лістапада, амаль праз месяц пасля няўдалага тэставага скачка ў прамзоне Сосны, у рэанімацыі бальніцы хуткай медыцынскай дапамогі памёр роўпджампер С. Пра гэта Onliner паведамілі яго знаёмыя, інфармацыю таксама пацвердзілі блізкія мужчыны.
Нагадаем, трагедыя адбылася 10 кастрычніка падчас падрыхтоўкі пляцоўкі да прыёму кліентаў у прамзоне Сосны. С. выконваў тэставы скачок з трубы былой кацельні на адзнацы ў 40 метраў. У гэты момант унізе знаходзілася каля дваццаці чалавек — арганізатары і кліенты, якія запісаліся на атракцыён.
Па словах відавочцаў, хлопец ударыўся аб зямлю.
«Быў удар, і яго на вяроўках аднесла назад уверх», — успамінала падрабязнасці таго дня Настасся. Паводле яе слоў, яе сябар павінен быў скакаць трэцім па ліку і браць той самы рыштунак, які быў на С.
Дактары Бальніцы хуткай медыцынскай дапамогі амаль месяц змагаліся за жыццё пацярпелага, ацэньваючы яго стан як вельмі цяжкі.
— Пацыент упаў, будучы прывязаным да страховачнага троса. Трос абарваўся, але пры гэтым дапамог трохі змякчыць падзенне. Пры паступленні мужчына быў у прытомнасці, але на фоне траўматычнага шоку і цяжкіх пашкоджанняў у яго развіўся ацёк галаўнога мозга. Нашы спецыялісты дыягнаставалі найцяжкую траўму спіннога мозга, складаныя пераломы груднога і паяснічнага аддзелаў пазваночніка, — тлумачыў раней загадчык аддзялення рэанімацыі і інтэнсіўнай тэрапіі БХМД Іван Барташэвіч.
Большую частку часу С. правёў у стане медыкаментознага сну.
— Ён некалькі разоў прыходзіў у прытомнасць, але не мог дыхаць самастойна і пастаянна знаходзіўся на апараце ШВЛ, — расказаў яго знаёмы. — Наведвальнікаў, наколькі я ведаю, да яго не пускалі.
Пасля інцыдэнту ў Соснах арганізатары скачкоў абвясцілі пра спыненне дзейнасці. Аналагічныя папярэджанні з'явіліся і на рэсурсах іншых мінскіх кампаній, якія аказваюць падобныя паслугі.
Гэта ўжо другая гібель на дадзеным аб'екце. Дзевяць гадоў таму, 19 чэрвеня 2017 года, тут насмерць разбіўся 27‑гадовы жыхар Салігорска. Хлопец скакаў упершыню — з трубы былой кацельні (з адзнакі ў 70 метраў) па сертыфікаце, які атрымаў у падарунак на дзень нараджэння.
Цяпер чытаюць
Расіянін месяц лётаў па Беларусі на машыне так, што атрымаў больш за 20 штрафаў на круглую суму7
Расіянін месяц лётаў па Беларусі на машыне так, што атрымаў больш за 20 штрафаў на круглую суму
Магілёў, Віцебск і Гомель удалося далучыць да БССР толькі таму, што Масква такім чынам хацела спакусіць Заходнюю Беларусь — апублікаваныя дакументы6767
Каментары