U Połackim rajonie zatrymali 50‑hadovaha miascovaha žychara, jaki ździejśniŭ śmiarotny najezd na piešachoda i źjechaŭ ź miesca avaryi. Pra heta paviedamili ŭ MUS Biełarusi.
DTZ adbyłosia ŭ noč z 17 na 18 žniŭnia na 31‑m kiłamietry aŭtadarohi N3950 Obal — Połack kala vioski Bajary. Pad kołami aŭtamabila zahinuŭ 45‑hadovy piešachod.
Supracoŭniki milicyi apieratyŭna ŭstanavili asobu kiroŭcy i zatrymali jaho pa miescy žycharstva. Mužčynu dastavili ŭ Połacki RAUS, dzie jon pryznaŭsia ŭ zroblenym.
Jak vyśvietliłasia, raniej kiroŭca trojčy pryciahvaŭsia da adkaznaści za kiravańnie transpartam u niećviarozym stanie.
U DAI nahadali, što ŭdzielnik darožna-transpartnaha zdareńnia pavinien zastacca na miescy avaryi, akazać dapamohu paciarpiełym, nie pieramiaščać aŭtamabil i pradmiety, źviazanyja z DTZ, a taksama paviedamić pra zdareńnie ŭ milicyju i chutkuju dapamohu. Pakidańnie miesca avaryi źjaŭlajecca abciažarvalnaj akaličnaściu i moža paciahnuć kryminalnuju adkaznaść.
Kamientary