«Ja šalona chaču ŭ Maskvu». Biełaruska, jakaja čakaje ŭ ZŠA suda za kantrabandu avijakampanientaŭ u Rasiju, spadziajecca na dapamohu RF
Abvinavačanaja ŭ pracy na Rasiju biełaruska Jana Lavonava raskazała «MK» pra svaju departacyju z Francyi i źniavoleńnie ŭ ZŠA. Jana spadziajecca na abmien paśla viartańnia z Rasii ŭ ZŠA marskoha piachotnika Robierta Hiłmana.
Biełaruska Jana Lavonava paśla ekstradycyi z Francyi znachodzicca pad chatnim aryštam u Ńju-Džersi. Jaje abvinavačvali ŭ zakupcy paśla 2022 hoda amierykanskich avijacyjnych kampanientaŭ i pierapraŭcy ich u Rasiju praz trecija krainy. Pieršapačatkova joj pahražała da 55 hadoŭ źniavoleńnia.
Lavonava naradziłasia ŭ Viciebsku, vyrasła ŭ Kazachstanie, a ŭ 2021 hodzie pierajechała ŭ Maskvu, dzie pracavała ŭ śfiery avijacyjnaj łahistyki.
Jana kaža, što nikoli raniej nie była ŭ ZŠA i nie čakała aryštu: «Ja ličyła siabie vielmi zakonapasłuchmianaj».
Amierykanskija ŭłady abvinavacili jaje ŭ tym, što amierykanskaja elektronika i inšaje avijacyjnaje abstalavańnie nabyvałasia praz pastaŭščykoŭ u ZŠA, a paśla adpraŭlałasia ŭ Rasiju praz Armieniju i inšyja krainy bieź nieabchodnych licenzij. Paśla pahadnieńnia sa śledstvam z čatyroch pieršapačatkovych artykułaŭ zastaŭsia adzin — parušeńnie Zakona ab reformie ekspartnaha kantrolu.
Lavonavu zatrymali ŭ Francyi, kudy jana jakraz pryjechała adznačyć svoj 33‑ci dzień naradžeńnia. Praces jaje ekstradycyi ŭ ZŠA zaniaŭ 14 miesiacaŭ.
Najbolš ciažkimi jana nazyvaje pieršyja sutki ŭ izalatary aeraporta: pavodle jaje słoŭ, jana znachodziłasia ŭ «syroj bietonnaj karobcy z zakratavanymi dźviaryma» biez voknaŭ, dzie było choładna i nie davali ni ježy, ni vady.
Paśla ekstradycyi ŭ ZŠA Lavonava kala dvuch miesiacaŭ praviała ŭ žanočym izalatary. Zatym jaje pieraviali pad chatni aryšt.
Pieršapačatkova havorka išła ab mahčymych 55 hadach źniavoleńnia. Paśla pryznańnia viny i padpisańnia ździełki sa śledstvam, joj pahražaje try hady.
«Takaja statystyka absalutnaj bolšaści kryminalnych spraŭ u Amierycy: jany zakančvajucca vymušanym pryznańniem viny i ŭhodaj sa śledstvam, inakš da kanca žyćcia možna pravieści za kratami.
Amierykanskaja sistema takaja, što iściny ŭ joj nie znajści», — kaža žančyna.
Paśla pahadnieńnia z uładami ź pieršapačatkovaha naboru abvinavačańniaŭ zastaŭsia adzin punkt. Paśla čaho joj pakinuli tolki adzin artykuł — parušeńnie Zakona ab reformie ekspartnaha kantrolu.
Ciapier biełaruska žyvie ŭ arendnym pakoi ŭ Ńju-Džersi, vydatki na žyllo, charčavańnie i inšyja patreby, pavodle jaje słoŭ, apłačvajuć baćki. Jana nosić elektronny branzalet i amal nie vychodzić z domu. Niadaŭna sud dazvoliŭ joj prahułki z ulikam stanu zdaroŭja.
Lavonava spadziajecca na dapamohu najpierš Rasii. Jana narakaje, što ad Biełarusi dapamohi niama: «Ja zaŭsiody kazała: ja čałaviek śvietu. Ja rodam ź Biełarusi, bolšuju častku žyćcia pražyła ŭ Kazachstanie, a ŭ apošnija hady pierabrałasia ŭ Rasiju na stałaje miesca žycharstva. Kožnaja z hetych krain — maja Radzima. Ja nie mahu adździalić niešta adno, tamu što jany — častka mianie. I mnie baluča ad taho, što Biełaruś nijak nie ŭmiešvajecca ŭ moj los».
Žančyna spadziajecca na mahčymaść abmienu paśla viartańnia ŭ Rasiju byłoha amierykanskaha marskoha piechacinca Robierta Hiłmana. Prysud joj pavinny byli vynieści 10 žniŭnia, adnak słuchańnie pieranieśli na 28 kastryčnika.
Na pytańnie, kudy jana chacieła b viarnucca, Lavonava adkazała: «Chaču ŭ Maskvu. Nie mahu. U mianie serca razryvajecca pa joj».
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
Biełarusku pavinny sudzić u ZŠA za kantrabandu avijadetalaŭ u Rasiju, ale adździeł mihracyi choča jaje jak nielehałku departavać da suda
Hramadzianku Biełarusi aryštavali za niezakonny ŭvoz avijacyjnych składnikaŭ z ZŠA ŭ Rasiju
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»7
Kamientary
Zdajecca, pa-biełarusku budzie pa varjacku
Tut v štatach takich zitc-priedsiedatielej užie na otdielnuju tiuŕmu nabirajetsia. Ich massovo ispolzujut dla postavki vojennoj sankcionki v ordu. V uši ljut odno, a połučajetsia vot ono kak. Pusť nie ždiet skoroho obmiena. Ona žie nie Čapman, ona raschodnik.
Raška katitsia v biezdnu. Eto kak rańšie, chodił čiełoviek v supiermarkiet biez problem, a potom opustiłsia, kartočki zabłokirovany, i nado okołačivaťsia około likierno-vodočnoho otdieła, koho-to łoviť čtoby tiebie kupili butyłku za naličnyje vtridoroha, a zakusku iskať v prosročkie na zadniem dvorie. Istorija uśpiecha.