Kitaj płanuje pieratvaryć sprečnyja astravy ŭ Paŭdniova-Kitajskim mory ŭ rabatyzavanyja krepaści
Kitajskija śpiecyjalisty prapanavali novy padychod da abarony sprečnych astravoŭ i ryfaŭ u Paŭdniova-Kitajskim mory — stvaryć na ich aŭtanomnyja rabatyzavanyja krepaści, jakija buduć dziejničać praktyčna biez udziełu čałavieka, piša The Moscow Times.
Inicyjatyvu raspracavali daśledčyki Akademii bierahavoj achovy Kitaja i Dalańskaha marskoha ŭniviersiteta. Jany prapanujuć abjadnać u adzinuju sistemu pavietranyja, nadvodnyja i padvodnyja bieśpiłotniki. Prajekt apisany ŭ časopisie Command Control & Simulation, jaki śpiecyjalizujecca na vajskovych technałohijach.
Kitajskija daśledčyki spasyłajucca, u pryvatnaści, na dośvied vajny va Ukrainie. U jakaści prykładu jany pryvodziać vykarystańnie Ukrainaj bieśpiłotnych kataraŭ, u tym liku Magura V5, dla hrupavych atak na rasijskija karabli. Na dumku aŭtaraŭ daśledavańnia, heta pakazała ŭraźlivaść vialikich piłatavanych bajavych karabloŭ pierad atakami vialikaj kolkaści adnosna tannych bieśpiłotnikaŭ.
Pavodle słoŭ kitajskich śpiecyjalistaŭ, tradycyjnaja sistema abarony, kali rašeńnie ab źniščeńni kožnaj pahrozy paśladoŭna prymajecca čałaviekam, moža być zanadta pavolnaj padčas masiravanaj ataki dronaŭ. Tamu jany prapanujuć pieradać značnuju častku zadač aŭtanomnaj sistemie.
Takaja «rabatyzavanaja krepaść» pavinna składacca ź vialikaj kolkaści bieśpiłotnikaŭ roznych typaŭ. Jany buduć sumiesna kantralavać pavietranuju prastoru, pavierchniu mora i padvodnuju zonu vakoł vostrava.
Sistema budzie zdolnaja pieraraźmiarkoŭvać zadačy pamiž bieśpiłotnikami, kali častka ź ich budzie źniščana. Takim čynam, strata asobnych elemientaŭ nie pavinna pryvieści da poŭnaha abvału abarony.
Kaardynavać pracu bieśpiłotnikaŭ prapanujecca z dapamohaj štučnaha intelektu. Heta, pavodle daśledčykaŭ, dazvolić sistemie praciahvać dziejničać navat pry častkovym parušeńni suviazi z centram kiravańnia.
Takim čynam, Kitaj razhladaje sprečnyja astravy i ryfy nie prosta jak vajskovyja bazy, a jak mahčymyja aŭtanomnyja kompleksy abarony, zdolnyja samastojna vyjaŭlać pahrozy, kaardynavać bieśpiłotniki i adbivać masiravanyja ataki.
Kitaj spakvala pašyraje svaju marskuju jurysdykcyju na ŭschod ad Tajvania
Pakul Iran i ZŠA viaduć pieramovy, Kitaj błakuje jašče adzin važny marski šlach
Jak Kitaj ciškom zbudavaŭ vostraŭ pad vajskovuju bazu ŭ sprečnych vodach
Kitajskaja armija zaniała sprečny ryf Sendzi-Kiej u Paŭdniova-Kitajskim mory
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary