Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Jeści draniki z tryma vidami ikry pryhažunia — i pa sumiaščalnictvie novaja spadarožnica Łukašenki — adpraviłasia ŭ restaran «Lebiadziny».
Miarkujučy pa storys, u restaran Alija pajšła ŭ kampanii Jani Baranoŭskaj. Taja taksama ŭdzielničała ŭ konkursie «Mis Biełaruś» (u 2021 hodzie) — i stała štatnaj pryhažuniaj Łukašenki.
Baranoŭskaja, darečy, niadaŭna paśpiachova vyjšła zamuž, pierajechała z mužam u Maskvu i zapuściła svoj brend adzieńnia.
Za abiedam Alija šmat paziravała dla fota — vidać, chacieła prademanstravać detali svajho vobraza. A pachvalicca sapraŭdy jość čym. Pryhažunia asobna pafatahrafavała svaju sumačku Saint Laurent Gaby Vanity. U amierykanskaj kramie takaja kaštuje $2700.
Ale sumačka dziaŭčyny — padarunak za ŭdzieł u konkursie pryhažości «Mis BRIKS». Sumačku joj prezientavali ŭ pakiecie z łahatypam rasijskaha CUMa, a tam aksiesuar kaštuje značna daražej, čym u ZŠA — amal što $4 tysiačy.
Alija kakietliva demanstruje i załaty branzalet z, imavierna, bryljantami. Vizualna jon vielmi padobny da lehiendarnaha «ćvika» ad Cartier, pra jaki marać usie insta-dzivy. Na aficyjnym sajcie branzalety Juste un Clou kaštujuć ad $4180 i da $98000.
Ale nakaniečnik branzaleta Alii adroźnivajecca ad aryhinalnaj madeli Juste un Clou ad Cartier. Padobna, što heta kastamnaja kopija: takija kaštujuć pryblizna ad tysiačy da dziesiaci tysiač dalaraŭ — zaležyć ad taho, jakija tam kamiani.
Nahadajem, Alija Karotkaja ŭdzielničała ŭ «Mis Biełaruś» dvojčy. Upieršyniu ŭ 2023 hodzie, tady joj spoŭniłasia 18 hadoŭ. Pryzavych miescaŭ Alija nie zaniała, zatoje jaŭna pryhlanułasia Łukašenku: jon uziaŭ jaje ŭ słužbu pratakoła — śvitu pryhažuń, jakija supravadžajuć jaho na aficyjnych pryjomach.
U 2025 hodzie Alija ŭžo atrymała tytuł pieršaj vice-mis. U jaje instahramie rehularna možna pabačyć zdymki ź mierapryjemstvaŭ, u jakich udzielničaje Łukašenka. Naprykład, letaś jana tančyła na jaho bali.
U maci Alii, Dzijany, pieršy i apošni zapis u pracoŭnaj knižcy źjaviŭsia ŭ 2018 hodzie — «Nacyjanalnaja škoła pryhažości». Nieviadoma, čym žančyna tam zajmałasia, ale praca była pa kantrakcie. Da taho momantu jaje dačka ŭžo niekalki hadoŭ navučałasia ŭ hetaj škole. Dziakujučy jejnym pośpiecham Dzijana pačała ŭłasny biznes, pisała «Biuro».
U 2025 hodzie žančyna stvaryła brend adzieńnia «Kiali». Alija ciapier nazyvaje siabie jaho dyzajnierkaj i rehularna pijaryć sukienki.
Sioleta dziaŭčynu adpravili ad Biełarusi ŭ Kazań na pieršy konkurs pryhažości «Mis BRIKS», jaki arhanizavała Rasija.
Arhanizatary zavalili dziaŭčat padarunkami. Alija rabiła raspakoŭku ŭ svaim instahramie, i demanstravała padpisčykam, što atrymała. Siarod padarunkaŭ byli navušniki AirPods Max, kaśmietyčny boks Dior, fien-stajler BORK, nabory kaśmietyki b.colour, SenSulu i Lic. I taja sumačka Saint Laurent Gaby Vanity.
Novaja spadarožnica Łukašenki — finalistka konkursu pryhažości «Mis BRIKS» Alija
«Mis Biełaruś» usio bolš nahadvaje konkurs pryhažości ŭ haremie
Dźvie dziaŭčyny z kavunovaha bataljona Łukašenki zapuścili svoj brend adzieńnia. Zdajecca, nie ŭ Biełarusi
Stała viadoma, dzie pracuje favarytka Łukašenki Uładlena Zajcava
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary