Ukrainskija bieśpiłotniki atakavali Maskvu. Ataka stała najbujniejšaj za dva hady
U bok Maskvy lacieli 627 ukrainskich bieśpiłotnikaŭ, zajaviŭ mer horada Siarhiej Sabianin. 180 dronaŭ byli źniščanyja ŭžo ŭ staličnym rehijonie.
Hubiernatar Maskoŭskaj vobłaści Andrej Varabjoŭ paviedamiŭ, što nad terytoryjaj rehijona było źbita bolš za 160 bieśpiłotnikaŭ — nad Baharodskam, Ramienskim, Paŭłaŭskim Pasadam, Arechava-Zujevam, Vaskrasienskam, Stupinam, Kałomnaj i Elektrastallu.
U Ramienskaj akruzie paśla ataki paciarpieła 10‑hadovaja dziaŭčynka — jana atrymała askiepkavaje ranieńnie kiści ruki i była špitalizavanaja. U Baharodskaj akruzie paciarpieła žančyna, a ŭ Kałomnie — 27‑hadovy mužčyna.
Taksama bieśpiłotnik trapiŭ u skład Wildberries u rajonie Atłant-parku ŭ Baharodsku, paviedamiŭ Varabjoŭ. Pažar łakalizavany, papiarednie, paciarpiełych niama. Kompleks atrymaŭ niaznačnyja paškodžańni — abłomki začapili ścianu budynka.
Akramia taho, u Kałomnie paśla ataki adbyŭsia pažar u rajonie TC «Hłobus», paškodžanyja žyły dom i budynak ZAHSa. U Kacielnikach zaharelisia budaŭničyja ryštavańni na terytoryi žyłoha kompleksu, jaki budujecca, a ŭ Elektrastali byli paškodžanyja aŭtamabil i transfarmatarnaja padstancyja. U Paŭłaŭska-Pasadskaj i Ramienskaj akruhach, a taksama ŭ Baharodsku paškodžanyja pryvatnyja damy. Unačy praz ataku bieśpiłotnikaŭ abmiežavańni ŭvodzilisia va ŭsich čatyroch maskoŭskich aeraportach. Na momant publikacyi jany ŭsio jašče dziejničajuć.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks6
Kamientary