Siońnia na papcy Cichanoŭskaj — partret žychara Bresta, jakoha pasadzili na siem hadoŭ za toje, što jon chadziŭ na sudy nad palitviaźniami
Heta partret Vitala Čopika.
Vital Čopik chadziŭ na sudy nad palitviaźniami.
1 śniežnia 2021 hoda ŭ jaho praviali pieršy pieratrus, u vieraśni 2022 hoda zatrymali i skłali pratakoł pa art.24.23 KaAP. Padstavaj dla pratakołu staŭ BČB-ściah, prylepleny skotčam znutry da akna doma, chacia sam Čopik śćviardžaŭ, što ściah źjaviŭsia ŭžo paśla taho, jak jaho zatrymali i dastavili ŭ IČU.
Na pačatku sakavika 2024 hoda bieraściejca znoŭ zatrymali. Paśla zatrymańnia mužčynu dastaŭlali ŭ špital na chutkaj sa śladami mocnaha źbićcia, a koler tvaru Čopika byŭ žoŭtym (što moža kazać ab paškodžańni piečani praź źbićcio).
BiełTA pisała, što mužčyna «razam z saŭdzielnikami… sistematyčna naviedvaŭ sudy pa kryminalnych spravach ekstremisckaj nakiravanaści. Jon fiksavaŭ chod i vyniki pasiadžeńniaŭ, infarmacyju ab śviedkach i pradstaŭnikach pravaachoŭnych orhanaŭ».
Mužčynu vystavili abvinavačvańni pavodle art. 342 Kryminalnaha kodeksa — Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich, art. 361‑4 Kryminalnaha kodeksa — Sadziejničańnie ekstremisckaj dziejnaści
15 listapada 2024 hoda asudzili na siem hadoŭ, a taksama dali štraf 40 000 rubloŭ.
-
Rasijskaja śpiavačka Viktoryja Dajnieka mała taho što prakaciłasia z kancertami pa akupavanych terytoryjach, dyk jašče i pastralała
-
Statkievič: Zaraz tolki farmalnaja niezaležnaść pakul ratuje nas ad naŭprostavaha ŭciahvańnia ŭ rasijska-ŭkrainskuju vajnu
-
Zaviaršyć ramont mosta cieraź Śvisłač u Minsku płanujuć da pačatku vieraśnia
Kamientary
[Zredahavana]