Lidar viadomaj rasijskaj rok-hrupy pryjechaŭ va Ukrainu i pakajaŭsia za kancerty ŭ akupavanym Krymie
Maksim Pakroŭski pryznaŭsia ŭ lubovi da ŭkraincaŭ i pažadaŭ najchutčejšaj pieramohi.
Salist viadomaha rasijskaha hurta «Nohu śvieło!» Maksim Pakroŭski pryjechaŭ va Ukrainu. Jon pabyvaŭ u Kijevie, u Charkaŭskaj vobłaści i na Danbasie. U svaich sacsietkach muzyka raskazaŭ, što zdymaje dakumientalny film pra vajnu.
«Ja pryjechaŭ na vašuju ziamlu ź luboŭju, ciepłynioj i vielizarnaj pavahaj. Hałoŭnaje, čym ja mahu być vam karysnym, znachodziačysia tut, — zrabić tak, kab pra toje, što ja pabačyŭ na svaje vočy, daviedałasia jak maha bolš ludziej va ŭsim śviecie. My zdymajem dakumientalnym film «I'm Here to Witness» («Ja tut, kab zaśviedčyć»). A jašče — zapisvajem anhłamoŭnuju viersiju adnoj z samych papularnych našych piesień «Naši junyje śmiešnyje hołosa», — adznačyŭ Pakroŭski ŭ videa.
Muzyka dadaŭ, što lubić ukraincaŭ: «Ja lublu vas! Słava Ukrainie! Najchutčejšaj pieramohi, darahija!».
Paźniej Maksim Pakroŭski apublikavaŭ jašče adzin videazvarot, u jakim pakajaŭsia za svaje kancerty ŭ Krymie ŭžo paśla akupacyi paŭvostrava.
«Niekatoryja ludzi pytajucca, što ja zrabiŭ dla Ukrainy, akramia razmoŭ, i što ja rabiŭ u akupavanym Krymie ŭ 2015—2016 hadach. Ja padrabiazna raskazvaŭ pra Krym va ŭkrainskich ŚMI jašče ŭ pačatku poŭnamaštabnaha ŭvarvańnia. U toj čas ja pieražyvaŭ ciažki pieryjad u žyćci i byŭ całkam adarvany ad padziej, što adbyvalisia vakoł mianie. Ja hłyboka pra heta škaduju. Ale mašynu času jašče nie vynajšli, i minułaje źmianić niemahčyma», — adznačyŭ jon. Taksama jon pieraličyŭ usie svaje ŭčynki ŭ padtrymku Ukrainy.
Maksim Pakroŭski ŭ 2020 hodzie padtrymaŭ pratesty ŭ Biełarusi, a praz dva hady vystupiŭ suprać rasijskaha ŭvarvańnia va Ukrainu. U Rasii jon uniesieny ŭ śpis «zamiežnych ahientaŭ».
Kamientary
ZY Vot jeśli by Čajf s Sukačievym prijechali pokajaťsia - eto da, čto-to bolšoje v lesu... toho. No fih tam.