U Maskvie paśla vybuchu ŭ restaranie Balzi Rossi prajšło patajemnaje pachavańnie hienierała
Na Trajakuraŭskich mohiłkach u Maskvie va ŭmovach pavyšanaj sakretnaści adbyłosia pachavańnie hienierał-majora, jaki, pavodle nieaficyjnych źviestak, moh zahinuć padčas vybuchu ŭ restaranie Balzi Rossi. Pra heta paviedamlaje telehram-kanał «VČK-OHPU».
Jak paviedamlajecca, na mohiłkach z samaj ranicy byli ŭzmocnienyja miery biaśpieki. Tam dziažuryli supracoŭniki Fiederalnaj słužby achovy Rasii, prybyli niekalki aŭtobusaŭ z bajcami Rashvardyi. Ujezd na terytoryju byŭ abmiežavany, aŭtamabili praviarali supracoŭniki DAI i ludzi ŭ cyvilnym. Naviednikaŭ prapuskali praź mietaładetektary.
Pachavalnuju pracesiju supravadžała hanarovaja varta sa ściaham Pavietrana-kaśmičnych sił Rasii, ale kala padrychtavanaj mahiły byŭ pastaŭleny ściah Suchaputnych vojskaŭ.
Pavodle śviedčańniaŭ vidavočcaŭ, pachavali «davoli maładoha» hienierał-majora. Na cyrymonii nibyta abmiarkoŭvałasia, što zahinuły moh być siabram hałoŭnakamandujučaha Pavietrana-kaśmičnymi siłami Rasii hienierała Alaksandra Čajko i prysutničaŭ na śviatkavańni jaho 55‑hodździa ŭ restaranie Balzi Rossi.
Vybuch u restaranie Balzi Rossi ŭ Maskvie adbyŭsia ŭviečary 1 žniŭnia. Spačatku paviedamlałasia, što pryčynaj mahła być uciečka hazu, ale paźniej Nacyjanalny antyterarystyčny kamitet Rasii zajaviŭ, što ŭ restaranie spracavała vybuchovaje prystasavańnie, jakoje žančyna sprabavała zanieści pad vyhladam padarunka.
U vyniku vybuchu zahinuli piać čałaviek, jašče nie mienš za 19 atrymali ranieńni.
Pavodle nieaficyjnaj infarmacyi, mahčymaj cellu dla napadu moh być sam hienierał Alaksandr Čajko, jakoha ŭkrainskija ŭłady abvinavačvajuć u datyčnaści da vajennych złačynstvaŭ u Bučy. Jahony stan paśla vybuchu nieviadomy. Paviedamlajecca, što padčas incydentu zahinuŭ jaho ziać Daniił Pieradryj, a 25‑hadovaja dačka Maryja Čajko mahła atrymać ranieńni.
Vybuch u maskoŭskim restaranie byŭ nie ŭnutry, a zvonku
Kamandujučy Pavietranymi siłami Rasii Čajko žyvy. Z troch zahinułych pry vybuchu ŭ elitnym restaranie ŭ Maskvie tolki adzin — naviedvalnik
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Pry vybuchu ŭ Maskvie paciarpieła, padobna, dačka rasijskaha hienierała, jaki kamandavaŭ nastupam na Kijeŭ
MZS Rasii dało niečakanaje tłumačeńnie vybuchu ŭ maskoŭskim elitnym restaranie
Paćvierdziłasia hibiel ziacia rasijskaha hienierała pry vybuchu ŭ restaranie ŭ Maskvie
Ciapier čytajuć
Vaziŭ nataŭcaŭ u Afhanistan i skidvaŭ humanitarku ŭ Sudanie, a potym trapiŭ u turmu pa danosie siabra z Ukrainy2
Kamientary