Jak Kadyraŭ padtrymlivaje vajnu suprać Ukrainy na słovach, ale bieraže svaich ludziej ad frontu
U atačeńni Kadyrava zajavili pra jaho niežadańnie achviaravać nasielnictvam Čačni dziela «ruskaha śvietu», piša The Economist.
Niahledziačy na pałymianyja pravajennyja pramovy i zapeŭnivańni ŭ biaźmiežnaj addanaści Kramlu, kiraŭnik Čačni Ramzan Kadyraŭ robić usio mahčymaje, kab źbierahčy svaich suajčyńnikaŭ ad realnych bajavych dziejańniaŭ va Ukrainie, raskazali vydańniu krynicy.
Pry hetym sam Kadyraŭ publična zajaŭlaje pra adpraŭku na front bolš za 70 tysiač čałaviek, što składała b 9% usiaho mužčynskaha nasielnictva respubliki.
Adnak statystyka zahinułych pakazvaje inšuju karcinu. Pavodle danych niezaležnaha vydańnia «Miedyjazona», straty Čačenii składajuć usiaho 0,2% ad ahulnaj kolkaści zahinułych rasijskich vajskoŭcaŭ, choć dola nasielnictva respubliki ŭ składzie RF u piać razoŭ bolšaja.
Takoje stanovišča tłumačycca vyklučnym pravam Kadyrava, jaki paśla dźviuch razburalnych čačenskich vojnaŭ zabiaśpiečyŭ sabie niebyvałuju aŭtanomiju.
Žychary rehijona vydatna pamiatajuć bambardziroŭki i začystki, tamu nie adčuvajuć žadańnia pamirać za ideju «ruskaha śvietu».
«Jakija b intaresy ni mieła Maskva va Ukrainie, my ad ich biaskonca dalokija», — adznačaje surazmoŭca vydańnia, nabližany da čačenskaha kiraŭnictva.
Navat viadomaje padraździaleńnie «Achmat», jakoje Kadyraŭ pazicyjanuje jak hałoŭny ŭniosak u vajnu, na try čverci składajecca z najomnikaŭ ź inšych rehijonaŭ Rasii, jakich zavablivajuć za dobryja hrošy.
Samich bajcoŭ časta nazyvajuć «TikTok-vojskami», bo jany zdymajuć roliki padalej ad linii frontu.
«Zdajecca, što jany vajujuć, ale im zahadana nie pierastaracca i bierahčy siabie», — tłumačyć krynica.
Razam z tym vajna stała dla Kadyrava zručnym instrumientam unutranych represij.
Na front prymusova adpraŭlajuć tych, kaho režym ličyć niepažadanymi albo sistemnymi parušalnikami, a miascovyja palicejskija atrymali normy pa pastaŭcy kantraktnikaŭ.
Dla astatnich mahčymaść adkupicca ad adpraŭki na vajnu kaštuje ad 2 da 6 tysiač dalaraŭ.
Svajoj taktykaj Kadyraŭ dasiahaje dvajnoj mety: jon demanstruje Pucinu absalutnuju łajalnaść, ale adnačasova zachoŭvaje ŭłasny čačenski resurs, macujučy svoj imidž «baćki nacyi», jaki zdoleŭ abaranić svoj narod ad novaj razburalnaj bojni.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary
"U atačeńni Kadyrava zajavili pra jaho niežadańnie achviaravać nasielnictvam Čačni dziela «ruskaha śvietu», piša The Economist."