Pamier dapamohi na dziaciej da troch hadoŭ zrobiać roznym dla ŭsich siemjaŭ
Tolki Alaksandr Łukašenka zapatrabavaŭ, kab urad znajšoŭ dla jaho formułu, što ažyvić demahrafičnyja pracesy, jak pryjšoŭ adkaz.
Dapamohu pa dohladzie dziciaci da troch hadoŭ pryviažuć da realnych dachodaŭ atrymalnika hetaj dapamohi. Takaja prapanova abmiarkoŭvałasia na naradzie Łukašenki z kiraŭnictvam Savieta Ministraŭ i było padtrymana Łukašenkam. Pra heta paviedamiŭ ministr pracy i sacyjalnaj abarony Andrej Łabovič.
Ministr skazaŭ, što za apošnija hady istotna źmianilisia tendencyi ŭ demahrafičnaj śfiery. Uzrost tych, chto ŭpieršyniu ŭstupaje ŭ šlub, u Biełarusi staŭ na 4 hady vyšejšym, čym 25 hadoŭ tamu.
Žančyny ŭpieršyniu naradžajuć va ŭzroście 27,5 hoda.
Pavodle słoŭ Łaboviča, kab źmianić heta, śpiecyjalisty vyznačyli najbolš važkija aśpiekty dla siemjaŭ dla naradžeńnia dziciaci, i heta pamier dapamohi pa dohladzie dziaciej da 3 hadoŭ.
Tamu ŭrad prapanavaŭ pierahledzieć padychody da pamieraŭ dapamohi na dziaciej. Jany ciapier adnolkavyja dla ŭsich. Urad ža prapanuje vyznačać pamier dapamohi ad «uzroŭniu realnych dachodaŭ atrymalnika».
«Pry hetym zachavajecca minimalnaja harantyja, jakaja jość siońnia, — minimalnaja płanka nie budzie nižejšaja za dziejučy pamier dapamohi. Maksimalny pamier budzie abmiežavany ŭzroŭniem siaredniaj zarabotnaj płaty ŭ krainie», — skazaŭ ministr.
Inšyja padrabiaznaści novaj sistemy pakul nie paviedamlalisia.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary
Nu a kak ty chotieł?
Čtoby hebist połučał kak dojarka?
Moskovskije choziajeva tolko o svoich biespokojatsia