Pryčynu anamalnaj źjavy ŭ razmovie ź BiełTA patłumačyŭ supracoŭnik Nacyjanalnaj akademii navuk Biełarusi Viktar Dziamiančyk.
«Kaštan vielmi źviazany ź siezonnaj dynamikaj klimatu. Zima dla jaho — poŭny son, viasna — pačatak abudžeńnia, ruchu sokaŭ, viehietacyi. A sioleta ŭ toj momant, kali drevy pavinny byli ŭvajści ŭ aktyŭnuju fazu ćvicieńnia, raspuskańnia liścia, nastupiła zasucha. I raślina zabłakiravała ŭsie bijachimičnyja pracesy, ułaścivyja dla narmalnaj viasny, z-za pavyšanaj suchaści», — źviarnuŭ uvahu vučony.
Jon patłumačyŭ, što zasušlivaja i haračaja viasna zabłakavała narmalnaje praciakańnie pracesaŭ viehietacyi. Častka pupyšak pierajšła ŭ anabijoz. «Tolki paśla taho, jak adnaviłasia narmalnaja klimatyčnaja faza, jany ŭśled za joj pračnulisia i pačynajuć ćviści. Z hetym źviazana takoje poźniaje ćvicieńnie hetych dreŭ», — adznačyŭ Viktar Dziamiančyk.
Jon vykazaŭ mierkavańnie, što pa takoj ža pryčynie mohuć zakvitnieć i inšyja drevy. Pieradusim heta moža zakranuć jabłyni, ślivy i čaromchu.
Takaja anamalnaja źjava mahčymaja pry peŭnych umovach. «Dapuścim, dla kaštana ŭ sučasnym horadzie nie samyja lepšyja ŭmovy: šmat asfaltu, bietonu. Ciapło pastupaje nie tolki ź nieba, ale dadatkova idzie jašče i adlustravanaje ad ziamli. U naturalnaj pryrodzie takoha nie adbyvajecca», — padkreśliŭ navukoviec.
Ciapier čytajuć
Hetaja biełaruskaja instazorka dajšła da Playboy — ale, u adroźnieńnie ad mnohich, nie spyniłasia7
Kamientary