Praz pahrozu ataki dronaŭ admianili ŭsierasijski źlot apierataraŭ bieśpiłotnikaŭ
Arhanizatary ŭsierasijskaha źlotu apierataraŭ bieśpiłotnikaŭ «Drońnica», jaki z 2022 hoda pravodzicca ŭ Naŭharodskaj vobłaści, abviaścili pra admienu čarhovaha mierapryjemstva praz pahrozu mahčymaj ataki z boku Ukrainy, piša The Moscow Times.
Źlot apierataraŭ bajavych BPŁA, śpiecyjalistaŭ sumiežnych śfier i vałancioraŭ pavinien byŭ prajści 29—30 žniŭnia ŭ Vialikim Noŭharadzie. Ale, sa słoŭ arhanizataraŭ, jany atrymali infarmacyju pra nibyta padrychtoŭku Ukrainaj «kambinavanaj apieracyi» z vykarystańniem u tym liku balistyčnych rakiet i bieśpiłotnikaŭ. Tamu paśla narad z kiraŭnictvam rehijona i pradstaŭnikami śpiecsłužbaŭ było pryniata rašeńnie pieranieści mierapryjemstva.
Arhanizatary patłumačyli, što praviadzieńnie źlotu mahło b stvaryć dadatkovyja ryzyki dla Naŭharodskaj i susiednich abłaściej. U vypadku ataki, jak adznačajecca ŭ zajavie, udary mahli b być naniesienyja nie niepasredna pa ŭdzielnikach źlotu, a pa abjektach, jakija mahli b stać celami praź jaho praviadzieńnie. Akramia taho, dla achovy mierapryjemstva spatrebiłasia b adciahvać siły supraćpavietranaj abarony i siłavikoŭ ad inšych učastkaŭ.
Arhanizatary paviedamili, što paźniej abvieściać novyja daty praviadzieńnia źlotu i arhanizujuć paŭtornuju rehistracyju ŭdzielnikaŭ.
«Drońnica» pazicyjanujecca arhanizatarami jak placoŭka dla papularyzacyi vajskovaha vykarystańnia bieśpiłotnikaŭ i stvareńnia prafiesijnaj supolnaści apierataraŭ BPŁA, instruktaraŭ, a taksama śpiecyjalistaŭ radyjoelektronnaj raźviedki i radyjoelektronnaj baraćby.
Na štohadovych źlotach abmiarkoŭvajucca vykarystańnie bieśpiłotnikaŭ na froncie, nazapašvańnie bajavoha dośviedu, stvareńnie śpiecyjalizavanych bieśpiłotnych i antybieśpiłotnych padraździaleńniaŭ, masavaje prymianieńnie BPŁA i raźvićcio vajskovych bieśpiłotnych technałohij.
Na bazie «Drońnicy» ŭ Vialikim Noŭharadzie taksama byŭ stvorany navukova-vytvorčy centr «Uškujnik», jaki zajmajecca vyprabavańniem, dapracoŭkaj i siertyfikacyjaj bieśpiłotnych technałohij. Tam raspracoŭvajecca i testujecca FPV-dron na optavałaknie «Kniaź Vandał Naŭharodski».
Zialenski zajaviŭ pra ŭdar pa rasijskaj vajskova-marskoj bazie ŭ Novarasijsku
Stali viadomyja padrabiaznaści ataki dronaŭ na hruzaviki na rasijska-biełaruskaj miažy
Ci moža Ukraina źniščać puskavyja ŭstanoŭki z rasijskaj balistykaj?
Ukrainskija bieśpiłotniki atakavali NPZ u rasijskim Orsku za paŭtary tysiačy kiłamietraŭ ad miažy
U Kamsamolsku-na-Amury adbyŭsia pažar na NPZ
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?7
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2121
Kamientary