Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana
Pošuki praciahvajucca amal tydzień.
Troje daśviedčanych turystaŭ — dvoje ź Biełarusi i adzin ź Litvy — źnikli ŭ harach Kyrhyzstana paśla ŭzychodžańnia na pik Karumdu. 1 žniŭnia a 10:30 jany padnialisia na viaršyniu. Išli paŭnočnym hrebieniem. 2 žniŭnia paviedamili, što 4 žniŭnia buduć hatovyja da vyjezdu. Bolš suviazi nie było. Kiroŭca pryjazdžaŭ u damoŭlenaje miesca 4 i 5 žniŭnia, ale hrupa nie vyjšła.
Maksimu Palanskamu 43 hady. Jon žyvie ŭ Kałodziščach. Skončyŭ fakultet radyjotechniki i elektroniki Biełaruskaha dziaržaŭnaha ŭniviersiteta infarmatyki i radyjoelektroniki. Pa prafiesii — inžynier-kanstruktar.
Maksim lubić aktyŭny adpačynak. Jon šmat padarožničaŭ pa Biełarusi na rovarach, bajdarkach, łyžach i pieššu. Jeździŭ i za miažu ŭ hory.
60‑hadovy Mikałaj Śvirydaŭ z Salihorska. Maje vyšejšuju techničnuju adukacyju, pracuje inžynieram.
U Mikałaja zvańnie kandydata sportu pa turyźmie i pieršy razrad pa alpiniźmie (prynamsi na 2016 hod). Zajmajecca alpinizmam z maładości i sam vodzić ekśpiedycyi. Akramia hetaha, biehaje marafony, chodzić u šmatdzionnyja pachody i spłaŭlajecca pa rekach.
Abodva mužčyny majuć tytuł «Śniežny bars», to-bok jany padnialisia na ŭsie piać siamitysiačnikaŭ, raźmieščanych na terytoryi byłoha SSSR.
Adkryty hrašovy zbor na dapamohu ŭ pošuku.
«Naša Niva» — bastyjon biełaruščyny
PADTRYMAĆCiapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku27
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary
Da, inohda opasnyje uvlečienija privodiat k takim słučajam.
Kak-to nie žal. Ludi znali, na čto šli.
Taksama možna było b pakpić, što "viedaŭ, na što išoŭ".
Chacia ŭvohule voś hetaje tupoje ahresiŭnaje ckavańnie ad abyvacielaŭ, jakoje pačynajecca kožny raz (dziasiatki hod) pry navinach z turyzmu, mnie nahadvaje traŭlu pratestoŭcaŭ.
Nu toje ž samaje: kali čałaviek nie moža zrazumieć matyvacyju taho, kaho zatrymali, jon reža pryhavorami "sam viedaŭ, što tut mohuć i schapić, pasadzić, pabić" i h.d.
Takaja voś dasiažnaja anałohija dla naviedvalnikaŭ palityčnaha resursu.
Kali asabista nie čaplaje, možna nie złaradničać, a adyści ŭ bok, pamaŭčać, zastacca čałaviekam.
Łučšij variant, čto ušli na spuskie v druhuju storonu. Vierojatnosť poka sochraniajetsia.