Pry vybuchu ŭ Maskvie paciarpieła, padobna, dačka rasijskaha hienierała, jaki kamandavaŭ nastupam na Kijeŭ
U śpisach paciarpiełych jość 25‑hadovaja Maryja. Ukazana, što ŭ jaje adkrytaja čerapna-mazhavaja traŭma.
Pry vybuchu ŭ maskoŭskim restaranie Balzi Rossi mahła paciarpieć dačka rasijskaha hienierała Alaksandra Čajko.
Pra toje, što Čajko jość siarod paciarpiełych pry vybuchu, «Viorstcy» paviedamiła krynica, blizkaja da kiraŭnictva restarana. U śpisach paciarpiełych jość «Maryja P.», jakoj 25 hadoŭ. Ukazana, što ŭ jaje adkrytaja čerapna-mazhavaja traŭma.
Maryi Čajko taksama 25 hadoŭ, akramia taho, jana zhadvajecca va ŭciečkach z baz danych pad proźviščam Pieradryj. U Čajko i Pieradryj supadajuć adras pražyvańnia i hod naradžeńnia, u telefonnych knihach jana zapisana jak «niaviesta» i «Čajko Maryja».
Vierahodna, Pieradryj — heta proźvišča muža dački hienierała. U śpisie paciarpiełych jość taksama 27‑hadovy «Daniił P.». Zhodna z vyciekami, heta moža być Daniił Pieradryj, jakomu taksama 27 hadoŭ. U jaho siabrach u VK jość adzin z akaŭntaŭ Maryi Čajko.
Vybuch u restaranie Balzi Rossi adbyŭsia ŭviečary 1 žniŭnia. Pieršapačatkova paviedamlałasia pra vybuch hazu, adnak paźniej stała viadoma, što zdetanavała vybuchovaje prystasavańnie, jakoje žančyna sprabavała pranieści ŭ restaracyju pad vyhladam padarunka.
U vyniku vybuchu, pavodle apošniaj infarmacyi, zahinuli piać čałaviek, 21 paciarpieŭ. Metaj, vidavočna, byŭ hałoŭnakamandujučy pavietrana-kaśmičnymi siłami Rasii Alaksandr Čajko, jakoha Ukraina vinavacić u dačynieńni da zabojstvaŭ u horadzie Buča.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Kamandujučy Pavietranymi siłami Rasii Čajko žyvy. Z troch zahinułych pry vybuchu ŭ elitnym restaranie ŭ Maskvie tolki adzin — naviedvalnik
U centry Maskvy niešta ŭzarvałasia ŭ elitnym restaranie — troje zahinułych
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje55
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje5
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ99
Kamientary