Pavodle šerahu paviedamleńniaŭ, vybuch adbyŭsia nie ŭnutry restarana Balzi Rossi, a pobač ź im. Na staroncy ŭstanovy ŭ instahramie źjaviłasia paviedamleńnie, što z samim restaranam «usio ŭ paradku».
Šef-kuchar restarana Karła Alfjery taksama zajaviŭ u sacyjalnych sietkach, što restaran i kuchnia nie paciarpieli. Pavodle jaho słoŭ, prablema ŭźnikła zvonku budynka. Takim čynam jon admaŭlaje raspaŭsiudžanuju raniej viersiju pra vybuch hazavaha bałona na kuchni.
Telehram-kanał «VČK-OHPU» śćviardžaje, što nibyta na vierandzie restarana vybuchnuła vybuchovaja pryłada, jakaja znachodziłasia ŭ rukach čałavieka. Pavodle hetaj niepaćvierdžanaj viersii, čałaviek, jaki ŭzarvaŭ pryładu, moh nie viedać pra sapraŭdny charaktar pradmieta i byŭ vykarystany «ŭciomnuju». Jon zahinuŭ. Aficyjnaha paćviardžeńnia hetaj infarmacyi niama.
Pavodle telehram-kanała «112», u balnicy byli dastaŭlenyja 17 čałaviek. Raniej hałoŭnaje ŭpraŭleńnie MUS Maskvy paviedamlała pra troch zahinułych i 15 paciarpiełych.
U Śledčym kamitecie Rasii adznačyli, što kolkaść zahinułych i paciarpiełych jašče ŭdakładniajecca, a pryčyny zdareńnia praciahvajuć vyśviatlacca.
Žychar stalinki na vulicy Barykadnaj, jakaja znachodzicca pa susiedstvie z restaranam, paćvierdziŭ vydańniu «Važnyje istorii», što ŭ restaranie było śviata ŭ honar niejkaha hienierała.
Žurnalist Aleh Kašyn miarkuje, što dzień naradžeńnia moh śviatkavać hałoŭnakamandujučy Pavietrana-kaśmičnych sił RF hienierał-pałkoŭnik Alaksandr Čajko. Vajskovy błohier Jan Matviejeŭ adznačaje, što siońnia dzień naradžeńnia taksama śviatkujuć hienierał-major PDV Uładzimir Sielivierstaŭ (udzielničaŭ u nastupie na Kijeŭ) i hienierał-lejtenant Alaksandr Jaraševič (načalnik departamienta transpartnaha zabieśpiačeńnia Minabarony).
Pobač z budynkam, kala jakoha adbyŭsia vybuch, pryparkavana mnostva aŭtamabilaŭ na čornych numarach, to-bok mašyn Minabarony RF.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary