«Zaraz u reanimacyi». Minčanku znajšli ŭ lesie paśla dziesiaci dzion pošukaŭ
U subotu, 1 žniŭnia, Maryja Prakopčyk vyjšła z domu i źnikła.
Upieršyniu kamiery videanazirańnia zafiksavali jaje ŭ rajonie vulicy Pančanki, a dalej žančyna źnikła. Minčanku znajšli praz 10 dzion — jana žyvaja. Padrabiaznaściami vyratavalnaj apieracyi z Onliner padzialiŭsia kiraŭnik pošukava-vyratavalnaha atrada «Siryus» Pavieł Jachimovič.
Maryi Mikałajeŭnie 74 hady. Častku jaje šlachu blizkim, milicyi i vałancioram udałosia adsačyć pa zapisach kamier videanazirańnia. Na aŭtobusie piensijanierka dajechała da vulicy Pančanki, i dalej jaje śled zhubiŭsia.
Šukać Maryju pačali adrazu ž: žančyna maje demiencyju, tamu była dezaryjentavanaja i mieła patrebu ŭ miedycynskaj dapamozie.
— Da 8 žniŭnia pra Maryju Mikałajeŭnu nie było nijakaj infarmacyi. Uvieś hety čas pošuki nie spynialisia, — raskazvaje Pavieł Jachimovič. — I tolki ŭ minułuju subotu źjaviłasia začepka: vyvučanyja videamateryjały pakazali, što žančyna vyjšła z aŭtobusa ŭ rajonie 4‑ha zavułka Mantažnikaŭ, pobač ź lesapałasoj. My nakiravali tudy dva kinałahičnyja raźliki dla pravierki niebiaśpiečnych pryrodnych pastak u hetym rajonie.
Uviečary 11 žniŭnia sabaki znajšli piensijanierku, jakaja lažała ŭ hustym chmyźniaku.
Jana była ŭ prytomnaści, ale całkam źniasilenaja — vierahodna, žančyna amal ničoha nie piła i dakładna ničoha nie jeła.
— Vałanciory nakryli jaje termakoŭdraj, zmačyli vusny vadoj i pieradali bryhadzie chutkaj dapamohi.
Kali kazać abjektyŭna, zaraz Maryja Mikałajeŭna ŭ vielmi ciažkim stanie, jana ŭ reanimacyi. Miarkujučy pa ŭsim, kali žančyna zajšła ŭ les, to ŭpała i zastavałasia ŭ takim stanoviščy da taho času, pakul jaje nie znajšli.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary