«Зараз у рэанімацыі». Мінчанку знайшлі ў лесе пасля дзесяці дзён пошукаў
У суботу, 1 жніўня, Марыя Пракопчык выйшла з дому і знікла.
Упершыню камеры відэаназірання зафіксавалі яе ў раёне вуліцы Панчанкі, а далей жанчына знікла. Мінчанку знайшлі праз 10 дзён — яна жывая. Падрабязнасцямі выратавальнай аперацыі з Onliner падзяліўся кіраўнік пошукава-выратавальнага атрада «Сірыус» Павел Яхімовіч.
Марыі Мікалаеўне 74 гады. Частку яе шляху блізкім, міліцыі і валанцёрам удалося адсачыць па запісах камер відэаназірання. На аўтобусе пенсіянерка даехала да вуліцы Панчанкі, і далей яе след згубіўся.
Шукаць Марыю пачалі адразу ж: жанчына мае дэменцыю, таму была дэзарыентаваная і мела патрэбу ў медыцынскай дапамозе.
— Да 8 жніўня пра Марыю Мікалаеўну не было ніякай інфармацыі. Увесь гэты час пошукі не спыняліся, — расказвае Павел Яхімовіч. — І толькі ў мінулую суботу з'явілася зачэпка: вывучаныя відэаматэрыялы паказалі, што жанчына выйшла з аўтобуса ў раёне 4‑га завулка Мантажнікаў, побач з лесапаласой. Мы накіравалі туды два кіналагічныя разлікі для праверкі небяспечных прыродных пастак у гэтым раёне.
Увечары 11 жніўня сабакі знайшлі пенсіянерку, якая ляжала ў густым хмызняку.
Яна была ў прытомнасці, але цалкам знясіленая — верагодна, жанчына амаль нічога не піла і дакладна нічога не ела.
— Валанцёры накрылі яе тэрмакоўдрай, змачылі вусны вадой і перадалі брыгадзе хуткай дапамогі.
Калі казаць аб'ектыўна, зараз Марыя Мікалаеўна ў вельмі цяжкім стане, яна ў рэанімацыі. Мяркуючы па ўсім, калі жанчына зайшла ў лес, то ўпала і заставалася ў такім становішчы да таго часу, пакуль яе не знайшлі.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары