Аляксандр Лукашэнка 19 кастрычніка падпісаў указ № 367 «Аб дзейнасці Нацыянальнай акадэміі навук Беларусі». Дакумент прадугледжвае змены ў арганізацыі працы НАН, яе структуры і дзейнасці падпарадкаваных устаноў. Заяўленая мэта — умацаванне навуковага і вытворчага патэнцыялу, павышэнне практычнай скіраванасці і эфектыўнасці даследаванняў, піша БелТА.
Указ прадугледжвае ліквідацыю, рэарганізацыю і пераўтварэнне шэрагу дзяржаўных навуковых устаноў і навукова-практычных цэнтраў Акадэміі навук. На думку ўладаў, гэта павінна дапамагчы пазбавіцца ад дублявання функцый і засяродзіць рэсурсы на вырашэнні прыярытэтных для дзяржавы прыкладных задач у галіне тэхналогій і тэхнікі. Таксама зацверджаны новы варыянт статута НАН.
Для ўзмацнення кіраўнічай вертыкалі і персанальнай адказнасці кіраўніцтва статус дзяржаўных цывільных службоўцаў атрымаюць старшыня Прэзідыума НАН, яго намеснікі і галоўны вучоны сакратар. Старшыня Прэзідыума таксама атрымае паўнамоцтвы прызначаць і вызваляць ад пасад кіраўнікоў падпарадкаваных арганізацый, іх намеснікаў і вучоных сакратароў.
Паўнамоцтвы Прэзідыума і яго бюро пашыраць за кошт перадачы ім часткі функцый Агульнага сходу. Гэта павінна дазволіць хутчэй прымаць рашэнні, звязаныя з дзейнасцю Акадэміі навук. Акрамя таго, з улікам аптымізацыі будзе вызначаная максімальная штатная колькасць апарату НАН.
Зменіцца і парадак выбараў сапраўдных членаў Акадэміі навук — акадэмікаў — і членаў-карэспандэнтаў. Для кандыдатаў увядуць дадатковыя крытэрыі ацэнкі навуковых дасягненняў і ўзроставыя абмежаванні на момант вылучэння: да 70 гадоў для акадэмікаў і да 60 гадоў для членаў-карэспандэнтаў.
Кандыдаты павінны будуць мець навуковую ступень доктара навук і вучонае званне прафесара, кіраваць навуковымі, навукова-тэхнічнымі і галіновымі праграмамі, а таксама мець значны ўклад у развіццё навукі і навуковыя ды практычныя работы па заяўленай спецыяльнасці.
Акрамя таго, Лукашэнка атрымаў права сваімі ўказамі прысвойваць акадэмічныя званні асобам, якія зрабілі значны ўклад у развіццё нацыянальнай эканомікі, беларускай і сусветнай навукі.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»26
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2020
Каментары
Адамке Дыраву?