«Biełaruśfilm» raspačaŭ zdymki sieryjała pra milicyju, scenaryj jakoha prabiŭ Kubrakova na ślazu
Vychad 24‑sieryjnaha «Słova aficera» zapłanavany ŭ sakaviku 2027 hoda.
Siońnia ŭ Dziaržynskim rajonie prystupili da zdymak prapahandysckaha sieryjała «Słova aficera». Jak raskazali na «Biełaruśfilmie», šmatsieryjny film raskaža pra dynastyju milicyjanieraŭ Uładzimiravych.
«Klatva adnaho pakaleńnia stanovicca častkaj losu nastupnaha. Syn, unuk, praŭnuk — jany nie tolki naśledujuć prafiesiju, ale i nosiać u sabie tuju ž viernaść słovu, što i ich prodki. Klatva stanovicca čymści kštałtu «siamiejnaha kodeksa honaru», — havorycca ŭ pres-relizie nacyjanalnaj kinastudyi.
Zdymki sieryjała pra biełaruskuju milicyju anansavaŭ jašče ŭ sakaviku ministr unutranych spraŭ Ivan Kubrakoŭ. Pavodle jaho słoŭ, na vychadzie pavinien atrymacca 24‑sieryjny film, jaki budzie vychodzić ciaham troch siezonaŭ.
Istotnaja častka scenaryja, jaki, pavodle słoŭ Kubrakova, prabiŭ jaho na ślazu, pryśviečanaja padziejam 2020 hoda i vyklikanym imi prablemam u siemjach siłavikoŭ.
Premjera «Słova aficera» zapłanavanaja na 4 sakavika 2027 hoda — u dzień 110‑hodździa biełaruskaj milicyi.
Kamientary
V piervoj sierii idiet Bałaba, zahrimirovannyj pod žienŝinu v parikie na okrainie Minska, dumaja kak uskolznuť na Maskoviju etoj noċju, čto by nie linčievali priamo na ulicie. I vidit kak Švied [Red. Vydalena] i Fantomas i Karajev. I vsie, vsie jeho kollehi i podielniki.
[Zredahavana]