Łatuška — Babaryku: Ja taksama razmaŭlaju ź siabrami. U nas roznyja siabry
Na kanfierencyi «Novaja Biełaruś 2026» Viktar Babaryka krytyčna zajaviŭ, što jahonyja siabry ŭnutry krainy «nie cikaviacca dziejnaściu demakratyčnych sił». Na hetyja słovy adreahavaŭ Pavieł Łatuška.
Padčas adnoj z dyskusij Viktar Babaryka, jaki vystupaŭ pa-biełarusku, adznačyŭ, što jahonyja hałoŭnyja dumki ciapier nie pra toje, jak nam moža dapamahčy Ukraina i Jeŭrasajuz.
«Adna dumka: a jaki ŭpłyŭ, jakuju kaštoŭnaść demakratyčnyja siły zavajavali napraciahu šaści hadoŭ?» — skazaŭ Babaryka i dadaŭ, što ŭsie my pamiatajem, jakim byŭ 2020 hod.
Paśla čaho padzialiŭsia svaimi nazirańniami ad ciapierašniaj kamunikacyi ź siabrami ź Biełarusi.
«Kali ja razmaŭlaju ź siabrami ŭnutry Biełarusi, jany kažuć: nam nie cikava, što adbyvajecca ŭ demakratyčnaj supolnaści», — skazaŭ Viktar Babaryka i dadaŭ, što bačyć šmat sihnałaŭ, jakija paćviardžajuć heta.
Tamu Babaryka chacieŭ by parazvažać pra toje, a što treba zrabić, kab viarnuć tuju moc i tuju kaštoŭnaść, jakaja była ŭ demakratyčnaj apazicyi na pačatku 2020‑ch hadoŭ?
«Voś heta tema, jakaja mnie cikavaja. Ja razumieju, što, moža, heta nie tema hetaj panelnaj dyskusii. Ale ž mnie zdajecca, što heta bolš važna. My kažam pra akno mahčymaściaŭ, ale ŭ mianie prostaje pytańnie: a čamu 6,5 miljona biełarusaŭ, jakija niejkim cudam buduć mieć mahčymaść vybirać svajo žyćcio, vybieruć tych, chto ŭ hetaj zale? Čamu jany ich vybieruć? Voś hetaje pytańnie dla mianie samaje hałoŭnaje», — skazaŭ Babaryka.
Paśla Viktara Babaryki vystupaŭ Pavieł Łatuška, jaki vyrašyŭ adkazać na hetu zaŭvahu.
«Ja adkažu Viktaru Dźmitryjeviču. Ja taksama razmaŭlaju ź siabrami — u nas roznyja siabry», — skazaŭ Łatuška.
Kamientary
Ale Łatuška paśla Mielnikavaj vyhladaje bałabołam