Pryvatnuju stamatałahičnuju kliniku złavili na maštabnym uchileńni ad padatkaŭ
Padatkovaja słužba vyjaviła bujnyja parušeńni ŭ pryvatnaj stamatałahičnaj klinicy. Za piać hadoŭ tam, pavodle vynikaŭ pravierki, schavali ad padatkaabkładańnia bolš za 10 miljonaŭ rubloŭ vyručki, paviedamlaje pres-słužba Ministerstva padatkaŭ i zboraŭ.
Schiemu vyjavili padčas pazapłanavaj pravierki kliniki, jakaja akazvaje šyroki śpiektr stamatałahičnych pasłuh. Padčas pravierki siłaviki znajšli i kanfiskavali tak zvanuju «čornuju» buchhałteryju.
Vyśvietliłasia, što ŭładalnik kliniki razam z hałoŭnym buchhałtaram zahadzia vyznačali, jakuju častku dachodaŭ nie buduć adlustroŭvać aficyjna. U zaležnaści ad kolkaści zapłanavanych pacyjentaŭ na nastupny dzień dola schavanaj vyručki składała ad 30 da 40%.
Administratary atrymlivali ad pacyjentaŭ najaŭnyja hrošy za pasłuhi, ale častku płaciažoŭ nie pravodzili praz kasu. Hetyja srodki pieradavalisia ŭładalniku kliniki. Akramia taho, na kožnaha ŭrača vialisia asobnyja pracoŭnyja sšytki, dzie vyručku padzialali na aficyjnuju i «šeruju».
Padčas pravierki taksama vyśvietliłasia, što stamatałohija nabyła i vykarystała kala 3700 zubnych impłantaŭ biez aficyjnych dakumientaŭ. Za košt niaŭličanaj najaŭnaści klinika mahła nabyvać miedycynskija vyraby bieź nieabchodnych dakumientaŭ, a častcy supracoŭnikaŭ vypłačvać zarobki ŭ kanviertach.
Paśla pravierki klinicy vystavili da vypłaty 5,7 miljona rubloŭ padatkaŭ i inšych płaciažoŭ. U tym liku 2,5 miljona rubloŭ składaje padachodny padatak ź fizičnych asob.
Materyjały pravierki płanujuć pieradać siłavikam dla vyrašeńnia pytańnia ab zaviadzieńni kryminalnaj spravy za ŭchileńnie ad vypłaty padatkaŭ u asabliva bujnym pamiery. Akramia taho, kliniku pryciahnuć da administracyjnaj adkaznaści.
Minzdaroŭja prypyniła pracu bujnoha pryvatnaha miedcentra «Łazar» u Baranavičach
Z ekanamistaŭ — u miedsiostry i zubnyja techniki. Jak biełarusy inšych prafiesij pieravučvajucca na miedykaŭ
Žychar Fanipala paŭtara hoda lačyŭ zuby ŭ siabie doma bieź licenzii
Kab vypravić prykus, biełaruska rašyłasia na raśpiłoŭvańnie skivicy — i nie paškadavała. Ale vynieści takuju apieracyju zmoža nie kožny
Kamientary
Pod čietyrie tys. impłantov zakrutiť - eto hihantskij opyt.
Pojdu k nim,možiet pomohut zaniedoroho.