Minzdaroŭja prypyniła pracu bujnoha pryvatnaha miedcentra «Łazar» u Baranavičach
Zapisacca na pryjom da doktara ŭ pryvatny šmatprofilny miedycynski centr «Łazar» zaraz niemahčyma. Pa telefonie kažuć, što nie pracuje jon «pa techničnych pryčynach». Ale «Naša Niva» daviedałasia: pryčyna ŭ pravierkach Minzdaroŭja.
Aficyjnaj infarmacyi pra toje, što prypyniena ci anulavana licenzija miedcentra «Łazara», niama. Ale ž trapić tudy da śpiecyjalistaŭ ludzi nie mohuć užo nie pieršy dzień.
Raniej patencyjnym klijentam kazali pieratelefanavać 12 lipienia. Zaraz užo kažuć pra 19 lipienia — ale sumna papiaredžvajuć: nie fakt, što tady praca ŭžo budzie adnoŭlena.
Miedycynski centr «Łazar» pracuje ŭ Baranavičach z 2017 hoda. Adkryvali jaho z pafasam: tady čynoŭniki adznačali, što dziakujučy miedcentru horad zmoža raźvivać miedycynski turyzm. U 8‑paviarchovym budynku navat praduhledzieli haścinicu na dvuch apošnich pavierchach, kab pryjezdžym pacyjentam było zručna.
Viktar Novik, uładalnik centra i dyrektar kampanii «Fares Hrup» tady ž kazaŭ, što miedycynskaha centra padobnaha ŭzroŭniu ŭ Biełarusi niama. A ŭ rajoncy pisali: «Jon asnaščany samym sučasnym impartnym abstalavańniem. Całkam abstalavana stamatałohija. Naviedvalnikaŭ prymuć ankołah-mamołah, kardyjołah, terapieŭt, chirurh, aftalmołah, otałarynhołah, hiniekołah, piedyjatr. Jość tut pracedurnyja kabiniety, endaskapičny kabiniet, svaja łabaratoryja».
U 2026 hodzie «Łazar» užo akazvaŭ pasłuhi bolš čym pa 20 miedycynskich napramkach.
Paśla 2020 hoda anałahičnyja situacyi adbyvalisia nieadnarazova. Minzdaroŭja raptoŭna staviła na paŭzu pracu roznych pryvatnych miedcentraŭ — ad maleńkich i nie vielmi viadomych da hihantaŭ kštałtu «Łade». Viarnucca da pracy ŭ vyniku zmahli nie ŭsie.
Pryvatnaja stamatałohija raptoŭna paviedamiła, što z 1 krasavika prypyniaje pryjom klijentaŭ
Minachovy zdaroŭja zakryła adzin miedcentr, a dziejnaść dvuch adnaviła
Minzdaroŭja prypyniła dziejańnie licenzij troch miedcentraŭ
«Kali b Kaŭryhin uziaŭ sabie ŭ mieniedžary adstaŭnoha hienierała, to abyšłosia b». Biznesoŭcy prakamientavali zakryćcio «Novaha zroku»
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary