Dyśleksija ŭ dziciaci: jakija prykmiety baćkam treba nie prapuścić?
Jak časta sustrakajecca dyśleksija i jak vyjavić jaje rannija prykmiety? Asnoŭnyja markiery prablemy ŭ prajekcie Biełta apisała kandydat psichałahičnych navuk, niejrapsichołah Nastaśsia Haŭrylus.
— Heta parušeńnie piśmovaj movy, nie źviazanaje z parušeńniem intelektu. Prajaŭlajecca davoli časta, u sučasnym žyćci kolkaść vypadkaŭ raście.
Akramia taho, što dzicia błytaje litary, jano ich časam nie vielmi dobra adroźnivaje pamiž saboj, nie trymaje radok (jamu ciažka aryjentavacca na arkušy papiery, kali jano robić zapisy).
Tut važna pamiatać pra prastoru movy. Dzicia adčuvaje ciažkaści nie tolki ŭ razumieńni pry čytańni movy, naprykład, u litaratury, jamu ciažka razumieć i matematyčnyja zadačy. A dalej — teksty z padručnikaŭ pa hieahrafii, chimii, fizicy i inšych raznastajnych pradmietach.
Adpaviedna, na heta ŭ jaho budzie emacyjnaja reakcyja. Naprykład, źjavicca tryvožnaść, navat mohuć być depresiŭnyja prajavy, ahresiŭnaść — złość na toje, što nie ŭdajecca, što składana.
Kali dzicia ŭsio ž razumieje kaštoŭnaść navučańnia i choča zasvoić hetyja viedy, jano budzie vielmi šmat času tracić na toje, kab vykanać zadańni. Adpaviedna, chutčej źniasilvacca. I voś hetaje źniasileńnie taksama vyklikaje stamlalnaść i roznyja inšyja prablemy.
Možna skazać, što heta ŭ cełym upłyvaje na samaacenku. U niekatorych vypadkach dzieci z parušeńniem movy ŭsprymajuć siabie jak tatalna chvorych. Heta bje pa emacyjnaj śfiery, pa ŭśviedamleńni samoha siabie. To-bok dzicia samatyčna zdarovaje, ale ličyć, što chvoraje.
Karekcyi heta paddajecca. Jość cełaja sistema pracy, jana davoli składanaja i patrabuje ciarpieńnia, ale dazvalaje źnizić prajavy.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary