«Łakacyja skača pa zusim roznych miescach, z mašynaj byŭ by pipiec». Što kažuć biełarusy, jakija naviedvajuć Rasiju
Što b ni adbyvałasia ŭ Rasii, niekatoryja biełarusy ŭsio roŭna jeduć tudy i pryvoziać roznyja ŭražańni — ad niedachopu paliva da drennych desiertaŭ. Sabrali niekalki vodhukaŭ.
Šmat chto ź biełarusaŭ adznačaje, što ŭ Rasii ciapier vialikija prablemy z dostupam da svabodnaha internetu.
Kaciaryna Hłavinskaja ź Minska, jakaja jeździła ŭ Smalensk, apisvaje svaje ŭražańni słovami «adychodžu ad šoku»:
«Inet amal nie pracuje, tolki 30 dazvolenych sajtaŭ. Dobra što pajechała ciahnikom, bo z mašynaj byŭ by poŭny pipiec. Maršrut nie prakładvajecca, maja łakacyja skača pa zusim roznych miescach, i tabie treba kudyści ad vakzała, a ty zusim nie možaš dajści. Daviałosia pytacca pra šlach u ludziej na vulicy».
Kali daviałosia jechać sa Smalenska dachaty, Kaciaryna ledź nie spaźniłasia na ciahnik: jana zbudavała ŭ navihatary maršrut na vakzał, ale ž jon pryvioŭ zusim nie tudy. Žančyna mieła VPN, ale i jon nie spracavaŭ.
Kali karty nie pracujuć, jak pierasoŭvacca pa horadzie? I tut usio nie tak prosta, piša biełaruska:
«Pakatałasia na tramvajach, dobra, što ich tam tolki čatyry numary, ź ich dva asnoŭnyja. Taksi nie vyklikać pa łakacyi. A stajać i machać rukami ŭsim, chto prajazdžaje mima z šašačkami — takaja sabie historyja».
Nastaŭnica Kryścina Hubarevič dapaŭniaje karcinu:
«Apošnija niekalki pryjezdaŭ zrabilisia absalutna dyskamfortnymi, pierastaŭ pracavać navat roŭminh. Błakavańnie dzionnaje: kali raniej pa spasyłcy prajšoŭ i błakavańnie lohka źniałasia, to ciapier uvieś čas vydaje pamyłku i ŭ najlepšym vypadku da viečara zmožaš źniać abmiežavańni.
Da Wi-Fi padklučycca składana, nie prachodzić aŭtaryzacyja. Taksi bieź internetu vyklikać składana, zvanki ź dziasiataha razu prachodziać i abryvajucca».
U astatnim, piša Kryścina, umovy padarožža narmalnyja. Ale ŭdakładniaje, što jechać u Rasiju treba tolki na ciahniku i nie varta brać z saboj dziaciej.
Pradkazalna, što nie mienš prablem u padarožžy ŭźnikaje i praz pošuki paliva. Błohierka Śviatłana Paŭlučenka vyrašyła jechać na dyzielnaj mašynie ŭ Sankt-Pieciarburh i abačliva ŭziała z saboj kanistry na 50 litraŭ paliva.
Vyjazdžała ŭ Rasiju jana 11 lipienia:
«Kab nie šukać u Rasii, dzie zapravicca, my vyrašyli zapravić poŭny bak u Połacku. Pierasiekli miažu ŭsiaho za 15 chvilin. U nas praviarali bahažnik, bačyli kanistry, pytańniaŭ nie ŭźnikła.
Zapravicca ŭ Biełarusi było najlepšym rašeńniem, tamu što samyja pieršyja zapraŭki na šlachu [u Rasii] byli pustyja. Na inšych było dyzielnaje paliva, ale nie było bienzinu. Prablem z dyzpalivam tam zbolšaha niama, a voś ź bienzinam uvohule biada».
Śviatłana ŭspaminaje vialikija čerhi na zapraŭkach i abmiežavańni ŭ kolkaści paliva.
Minčanka Alena Sałodkaja akazałasia ŭ Rasii, bo vyrašyła lacieć praz Maskvu ŭ Vjetnam. Rabić heta jana nie raić, bo jość značny šans trapić na zatrymku rejsaŭ.
«Tak, vielmi niepryjemna pryjazdžać u Maskvu ź Minska, ź vielmi maleńkaha, jak akazvajecca, ale takoha, jaki nie vajuje, i bačyć hetuju raskošu, blask i pryhažość, jakaja zachaplaje i adnačasova da žudaści pužaje, bo razumieješ: voś idzie vajna i voś tak jana, akazvajecca, ludziej zachaplaje.
A potym prylataješ u Vjetnam i bačyš vielmi miłych, talerantnych vjetnamcaŭ, jakija stahodździami byli niečymi [faktyčna] kałonijami — kitajskimi, francuzskimi, savieckimi, amierykanskimi. I naprošvajecca, vybačajcie, paraŭnańnie ź Minskam», — piša Alena.
Tyktokierka pad nikam lisapavlovna_ pajechała na tydzień ź Minska ŭ Maskvu. Uražańni dziaŭčyny mocna adroźnivajucca ad taho, što pišuć inšyja biełarusy — naprykład, jana zaŭvažaje, što ŭ maskoŭskich kaviarniach pradajuć desierty nizkaj jakaści i zroblenyja biez dušy. Biełaruska ŭpeŭnivaje, što tyja łasunki ŭ Maskvie časta niaśviežyja, zanadta sałodkija ci majuć štučny prysmak.
Inšaje ŭražańnie datyčyć samaj bazavaj ježy:
«Ja troški nie razumieju palityki cen. To-bok nieabchodnyja pradukty, baza dla vyžyvańnia — jajki, tvaroh, jašče niejkaja ch**nia — jano ŭsio kaštuje daražej, čym u nas u Biełarusi».
«Naša Niva» — bastyjon biełaruščyny
PADTRYMAĆCiapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU16
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary