U aŭstralijskim Sidnei zavieršana ŭźviadzieńnie karkasa chmaračosa Atlassian Central, jaki staŭ samym vysokim u śviecie budynkam z vykarystańniem draŭlanych kanstrukcyj. Vyšynia viežy dasiahnuła 180 mietraŭ, što bolš čym udvaja pieravyšaje rekord papiaredniaha lidara — budynka Ascent u amierykanskim Miłuoki, vyšynia jakoha składaje 86,6 mietra, paviedamlaje vydańnie New Atlas.
Prajekt raspracavali architekturnyja biuro SHoP Architects i BVN Architecture. Novy chmaračos uzvodzicca ŭ novym dziełavym rajonie Sidneja.
Budynak maje hibrydnuju kanstrukcyju: žalezabietonnaje jadro, stalovy vonkavy karkas i kala 10 tysiač kubičnych mietraŭ inžyniernaj draŭniny. Asnoŭnymi materyjałami stali klejenyja draŭlanyja kałony i šmatsłojnyja paneli z kryžavym raźmiaščeńniem słajoŭ draŭniny.
Mienavita takaja kambinacyja siońnia ličycca najbolš efiektyŭnaj dla budaŭnictva vysokich draŭlanych budynkaŭ. Jana zabiaśpiečvaje nieabchodnuju tryvałaść, dazvalaje paskoryć mantaž dziakujučy vykarystańniu hatovych elemientaŭ i pamianšaje vuhlarodny śled u paraŭnańni sa zvyčajnymi ofisnymi chmaračosami.
Pavodle raspracoŭščykaŭ, vykarystańnie hetaj technałohii pavinna źnizić abjom vykidaŭ, źviazanych z budaŭnictvam, prykładna na 50 pracentaŭ. Akramia taho, budynak budzie prykładna ŭdvaja bolš enierhaefiektyŭnym u ekspłuatacyi, čym tradycyjnyja ofisnyja viežy.
Unutry chmaračosa raźmieściacca 39 pavierchaŭ. Asnoŭnuju płošču zojmuć ofisy kampanii Atlassian. Taksama praduhledžany čatyrochpaviarchovy centr dla sumiesnaj pracy z naturalnym aśviatleńniem i vientylacyjaj, chosteł, niekalki azialenienych teras i sad na dachu.
Asablivaściu prajekta stanie i zachavańnie histaryčnaha budynka, jaki ŭžo znachodziŭsia na hetym miescy. Jaho adrestaŭrujuć i ŭklučać u hałoŭnaje faje novaha kompleksu.
Paśla zaviaršeńnia asnoŭnaha karkasa budaŭniki praciahvajuć mantaž fasada, u jaki buduć intehravanyja soniečnyja paneli i aŭtamatyzavanaja sistema astudžeńnia. Zaviaršyć budaŭnictva płanujuć da kanca hoda.
Biełaruska znajšła ŭ Kitai «biełaruski astravok»
Saviecki madernizm Taškienta pryznali suśvietnaj spadčynaj JUNIESKA. U Minsku jaho abšyvajuć kieramahranitam i admaŭlajucca brać pad achovu
U Ńju-Jorku para zalezła na retranślacyjnuju viežu chmaračosa dziela zaručyn
Google prybraŭ ŠI-instrumient Nano Banana z Google Earth užo praź dzień paśla zapusku
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary
a jeŝie vsiakije bukaški budut točiť stieny