Biełaruski napadnik Vital Lisakovič praciahnie karjeru ŭ Kazachstanie. Futbalist nacyjanalnaj zbornaj padpisaŭ kantrakt z kłubam «Taboł» z Kastanaja.
Pieršuju častku siezona 28‑hadovy forvard pravioŭ u składzie žodzinskaha «Tarpieda-BIEŁAZ». Za vosiem matčaŭ jon zabiŭ try miačy i addaŭ čatyry halavyja pieradačy.
Ciapier «Taboł» zajmaje vośmaje miesca ŭ čempijanacie Kazachstana. Kamanda taksama ŭdzielničaje ŭ Lizie kanfierencyj. Hałoŭnym trenieram kłuba źjaŭlajecca biełaruski śpiecyjalist Mirasłaŭ Ramaščanka.
Hulec nacyjanalnaj kamandy Biełarusi pa futbole Vital Lisakovič pačynaŭ svaju karjeru ŭ salihorskim «Šachciory», paśla ŭ 2018‑2019 hadach hulaŭ u niekalkich charvackich kłubach, z 2020 hoda — u Rasii. Vosieńniu minułaha hoda jon staŭ futbalistam słavienskaha «Cele», ale zhulać jamu tam nie ŭdałosia, tamu sioleta viarnuŭsia ŭ Biełaruś — ale i tut nadoŭha nie zatrymaŭsia.
28‑hadovy Lisakovič viadomy svaim składanym charaktaram, što, vidać, jamu najpierš i zaminaje zamacavacca nadoŭha ŭ jakim-niebudź kłubie. Paśla zvalnieńnia z salihorskaha «Šachciora» ŭ 2020 hodzie jon pamianiaŭ užo 9 kamandaŭ, i rasstavańnie prynamsi ź niekatorymi ź ich nie abychodziłasia biez skandałaŭ.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary