Ludzi abryvajuć telefony, na kvateru pretenduje 2‑3 čałavieki. Anons ipateki pad 1% vyklikaŭ ažyjataž
Niekatoryja ŭžo padpisali damovy z zabudoŭščykami ŭ čakańni vyhadnych umoŭ.
Anons kredytu na žytło ad Biełarusbanka sa staŭkaj u 1% hadavych na pieršyja dva hady zrabiŭ na staličnym rynku nieruchomaści efiekt vybuchu bomby. I choć aficyjna prahrama startuje tolki paśla 10 žniŭnia, ažyjataž užo zaŭvažny, paviedamlaje «Anłajnier».
«Hrand Krystał»
U ofisie prodažaŭ «Hrand Krystała» sumlenna pryznajucca: zvankoŭ stała bolš minimum u piać razoŭ.
«Aktyŭnaść vyrasła vielmi mocna, choć naša prahrama startuje tolki 17‑ha čysła. Mnohija ludzi prosta ŭbačyli sałodkuju ličbu ŭ 1% i navat nie da kanca razumiejuć, što dalej pryjdziecca płacić užo inšy pracent (staŭka paśla dvuchhadovaha hrejs-pieryjadu składzie 15,4% i pryviazanaja da staŭki refinansavańnia). Tym nie mienš braniravańnie žytła idzie aktyŭna — u pieršuju čarhu dla tych, chto ŭžo surjozna ŭziaŭsia za spravu, źbiraje daviedki i nastrojeny na kuplu. Ciapier u žyłym kompleksie zastalisia tolki studyi, usio astatniaje ŭžo raskuplena. Ale varyjanty dla braniravańnia znajści jašče možna».
«Paŭnočny bierah»
U «Paŭnočnym bierazie» adznačajuć nie prosta vał zvankoŭ, a masavaje padpisańnie realnych damoŭ.
Sakret takoha napłyvu nie tolki ŭ ilhotnaj staŭcy, ale i va ŭnikalnych umovach samoha banka pa sumie pazyki.
«Ludzi aktyŭna składajuć damovy, kab u najbližejšy čas pajści ŭ bank. Učora zabraniravali značnuju častku kvater. Siońnia taksama padpisvajem vielizarnuju kolkaść dakumientaŭ, dy i na vychadnych čakaje vialiki abjom pracy. Cikavaść vielizarnaja nie tolki praz 1% na pieršyja dva hady, ale i tamu, što Biełarusbank hatovy kredytavać biez paručycielaŭ na sumu da 90% ad koštu žytła (pry najaŭnaści paćvierdžanaha dachodu)».
«Viaršynia»
U «Viaršyni» abstanoŭka taksama niespakojnaja: supracoŭniki adździeła markietynhu vymušanyja vychodzić u «poli», kab padmianiać mieniedžaraŭ na pakazach kvater, a sacsietki razryvajucca ad kolkaści paviedamleńniaŭ.
«Uvaha kałasalnaja. Supracoŭniki koł-centra ŭčora litaralna płakali praz kolkaść zvankoŭ, a dyrekt u Instagram prosta loh! Ludzi hladziać žytło, branirujuć. Niekatoryja pryjazdžajuć biez papiaredniaha zapisu, i tady navat nie atrymlivajecca ŭsim udzialić čas.
Kvatery pakul jość — u asnoŭnym adnapakajoŭki i troški ŭ 5‑m domie, a ŭ 4‑m domie zastałosia pracentaŭ 10 ad siły, para kvater jość i z ramontam. My farmirujem čerhi: ludzi pryjazdžajuć, hladziać, branirujuć i čakajuć 10 žniŭnia, kab pieršymi pajści ŭ bank. Na adnu kvateru mohuć pretendavać pa 2—3 čałavieki, bo kamuści bank moža i nie ŭchvalić patrebnuju sumu».
«Zialonaja havań» i «Novaja Baravaja»
U adździełach prodažaŭ «Novaj Baravoj» i «Zialonaj havani» pryznajucca, što čakali pavyšanaj uvahi da adnapracentnaha kredytu, ale realnaść pierasiahnuła ŭsie čakańni.
«Choć afarmleńnie kredytaŭ pačniecca trochi paźniej, užo zaraz u adździełach prodažaŭ sapraŭdny anšłah: klijenty masava zapisvajucca na sustrečy, vyvučajuć umovy, branirujuć kvatery i aktyŭna cikaviacca novymi startami. My fiksujem skačok zapytaŭ u koł-centr i vizitaŭ. Vidavočna, što takaja prapanova stała mahutnym drajvieram prodažaŭ i hałoŭnym indykataram taho, što rynak całkam hatovy da ździełak».
Depo
Kredytny bum nakryŭ i premium-siehmient. U elitnym kvartale Depo navinka ad Biełarusbanka pravakavała ažyŭleńnie siarod zamožnych pakupnikoŭ, dla jakich ilhotny pieryjad staŭ zručnym finansavym instrumientam.
«Ažyjataž nie abyšoŭ i nas. Navat u vysokim cenavym siehmiencie my bačym žyvuju cikavaść — sustrečy aktyŭna branirujucca. Mnohija našy klijenty razhladajuć Depo jak pierachod da nastupnaha etapu žyćcia i ŭžo zaraz płanujuć prodaž svajoj biahučaj nieruchomaści, kab źmianić adras. Mienavita dla ich novy finansavy pradukt z hrejs-pieryjadam stanovicca vydatnym mościkam pamiž ździełkami: dazvalaje zabraniravać kvateru ŭ našym kompleksie, nie čakajučy pry hetym prodažu staroha žytła».
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary
1. Tak i nie mahu zrazumieć chto heta tyja tutejšyja, chto šturman ofisy zabudoŭščyka ŭ
2. Kolki ž jany zarablajuć, kab kuplać pa takich cenach
3. Pieršuju kvateru jašče niejak razumieju (ź jeaciažkaj), ale druhaja dy inš. - jakaja pierśpiektyva ŭ hetaje inviestycyi? Ciapieraka situacyja takaja, što niavažna chto budzie (tarakan z vyvadkam, Cichanoŭskaja, Babaryka, padściłka ŭ budzionaŭcy, Paźniak z Usovym ci chto inšy) va ŭładzie, žyćcio ŭ Biełarusi budzie paharšacca.