Dačka rasijskaha hienierała, adkaznaha za mabilizacyju, dapamahaje ŭchilacca ad vojska za hrošy
Maskoŭskaja jurfirma Budovnits Family Law Agency, jakaja śpiecyjalizujecca na siamiejnym i cyvilnym pravie, dadatkova prapanuje pasłuhi pryzyŭnikam. Siarod ich — afarmleńnie adterminovak, abskardžańnie pozvaŭ, afarmleńnie broni ad mabilizacyi, a taksama jurydyčnaje supravadžeńnie vyjezdu za miežy Rasii, raskazvaje «Mieduza».
Usie hetyja pytańni kuryruje supracoŭnica firmy Kaciaryna Burdzinskaja. Pavodle danych uciečak, Kaciaryna Burdzinskaja, vierahodna, — dačka hienierał-pałkoŭnika Jaŭhiena Burdzinskaha, namieśnika načalnika Hienštaba US Rasii.
Ich svajactva ŭskosna paćviardžajuć tyja fakty, što jana žyła z hienierałam u adnoj kvatery, naradziłasia ŭ Bałtyjsku ŭ pieryjad, kali jon kamandavaŭ dysłakavanaj tam bryhadaj marskoj piachoty.
Z 2018 hoda sam hienierał Burdzinski ŭznačalvaje Hałoŭnaje arhanizacyjna-mabilizacyjnaje ŭpraŭleńnie Hienštaba — to-bok mienavita jon adkazvaje za mabilizacyju i pryzyŭ u rasijskuju armiju.
U 2022‑m Burdzinski abiacaŭ nie adpraŭlać na front sałdat terminovaj słužby, ale heta nie vykonvałasia.
U červieni 2023 hoda Minabarony Rasii apublikavała i tut ža vydaliła z sajta dakład Burdzinskaha pra mabilizacyju, u jakim toj paviedamlaŭ, što armija maje prablemy z «niehatovaściu častki hramadstva da vykanańnia voinskaha abaviazku». Burdzinski vinavaciŭ u hetym «infarmacyjny cisk sietkavaj błohierskaj supolnaści».
U tym ža 2023‑m hodzie Burdzinskamu daručyli rekrutynh na front źniavolenych, pisaŭ telehram-kanał «Rybaŕ», stvorany byłym supracoŭnikam pres-słužby Minabarony Rasii Michaiłam Źvinčukom.
U Kaciaryny Burdzinskaj niama jurydyčnaj adukacyi i vopytu pracy jurystam — raniej jana pracavała mieniedžaram pa prodažach u śfiery palimieraŭ i paliva.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy36
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary