Biełaruskija kłuby ŭžo zarabili ŭ sioletnich jeŭrakubkach bolš za try miljony jeŭra
Biełaruskija futbolnyja kłuby ŭžo zarabili bolš za 3 miljony jeŭra na traich pavodle vynikaŭ pieršych dvuch kvalifikacyjnych raŭndaŭ jeŭrakubkaŭ, paviedamlaje BiełTA.
Najbolšy pryzavy fond pakul atrymaŭ čempijon krainy «MŁ Viciebsk», jaki vyjšaŭ u treci raŭnd kvalifikacyi Lihi kanfierencyj. Ad UEFA kłub atrymaje 1,335 miljona jeŭra.
Minskaje «Dynama», jakoje taksama paśpiachova pieraadoleła dva kvalifikacyjnyja etapy Lihi kanfierencyj, užo harantavała sabie 1,075 miljona jeŭra.
Barysaŭski BATE zaviaršyŭ vystupleńnie ŭ jeŭrakubkach, ale taksama atrymaje 700 tysiač jeŭra.
Pa vynikach dvuch raŭndaŭ biełaruskija kłuby prynieśli krainie 1,833 rejtynhavaha bała. U tablicy kaeficyjentaŭ UEFA Biełaruś ciapier zajmaje 44‑ie miesca z ahulnym pakazčykam 8,208 bała. Kali paśla zakančeńnia ciapierašniaha jeŭrakubkavaha siezona kraina zachavaje miesca ŭ pieršaj piacidziasiatcy rejtynhu, to ŭ dvuch nastupnych siezonach Biełaruś budzie pradstaŭlenaja ŭ jeŭrakubkach čatyrma kłubami.
U trecim kvalifikacyjnym raŭndzie Lihi kanfierencyj «MŁ Viciebsk» 6 žniŭnia sustreniecca ŭ Bania-Łucy z baśnijskim «Boracam». Minskaje «Dynama» ŭ hety ž dzień na vyjeździe zhulaje suprać partuhalskaj «Brahi».
Matčy ŭ adkaz adbuducca 13 žniŭnia. Naminalna chatniuju sustreču «MŁ Viciebsk» praviadzie ŭ vienhierskim Mieziokioviešdzie, a minskaje «Dynama» prymie sapiernika ŭ bałharskaj Staroj Zahory.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary