Barysaŭski BATE zaviaršyŭ svoj sioletni vystup u Lizie kanfierencyj, pa sumie dvuch matčaŭ sastupiŭšy šviejcarskamu «Śjonu» z razhromnym likam 1:5, paviedamlaje Betnews.by.
Siońnia ŭ Śjonie barysaŭcy biez usialakich pytańniaŭ prajhrali šviejcarcam ź likam 0:4.
Užo na 5‑j chvilinie Uinśli Bateli zabiŭ pieršy hoł, a na 38‑j Rylind Nivakazi padvoiŭ pieravahu. Užo paśla pierapynku, na 58‑j i 68‑j chvilinach, Batata i Tea Bierdaje zabili jašče dva miačy i daviali lik da razhromnaha.
Pry hetym lik moh być i bolš bujnym, bo na 62‑j chvilinie kapitan šviejcarskaha kłuba Ali Kabakalman nie realizavaŭ pienalci — jahony ŭdar paryravaŭ hałkipier BATE Daniła Sokał.
Pieršaja sustreča pamiž hetymi kamandami zaviaršyłasia ŭničyju — 1:1.
Takim čynam, «Śjon» vyjšaŭ u treci kvalifikacyjny raŭnd Lihi kanfierencyj, dzie zhulaje z armianskim «Naa», jaki prajšoŭ małdaŭski «Zimbru». Dla BATE ž sioletni jeŭrakubkavy siezon skončyŭsia.
U papiarednim raundzie barysaŭcy prajšli pa pienalci ałbanski «Elbasani» i za ŭdzieł u jeŭrakubkach atrymajuć kala 700 tysiač jeŭra. Dla niebahataha biełaruskaha kłuba heta niemałyja hrošy.
UEFA adnahałosna vyrašyŭ bajkatavać turniry FIFA, kali realizujucca płany Infancina
Minskaje «Dynama», imavierna, budzie siejanaj kamandaj u raŭndzie płej-of Lihi kanfierencyj
Minskaje «Dynama» pieramahło «Nieftčy» ŭ kvalifikacyi Lihi kanfierencyj, choć prajhravała 0:2
U biełaruski kłub pierachodzić hulać adzin z udzielnikaŭ niadaŭniaha mundyjalu
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary