KNDR zarabiła dziasiatki miljardaŭ dalaraŭ na vajnie Rasii suprać Ukrainy
Choć zachodnija sankcyi pavinny byli abiaskrović režym Kim Čen Yna, ciapier u Pchieńjan ciakuć miljardy.
Z 2022 pa 2025 hod Paŭnočnaja Kareja atrymała valutnuju vyručku ŭ pamiery da $22 młrd — heta prykładna ŭ čatyry razy bolš, čym za papiarednija čatyry hady.
Takija danyja pryvodziacca ŭ analityčnaj spravazdačy Bloomberg Economics. Za 15 hadoŭ znachodžańnia va ŭładzie Kim jašče nikoli nie mieŭ takich značnych srodkaŭ. Hałoŭnaja krynica dachodaŭ — prodaž bojeprypasaŭ Rasii, jakaja maje patrebu ŭ ich dla praciahu vajny suprać Ukrainy, piša Bild.
Adna tolki vajna Uładzimira Pucina pryniesła ŭ kaznu Kima bolš za $14 młrd. Astatnija $8 młrd pastupili ź inšych krynic, uklučajučy handal z Kitajem, pracu paŭnočnakarejskich hramadzian za miažoj, IT-pasłuhi, kibierzłačynnaść, a taksama lehalny i nielehalny ekspart.
Najbolšuju dolu vyručki zabiaśpiečyli bojeprypasy. Pavodle najaŭnych danych, $9,12 młrd prynieśli artyleryjskija snarady, $2,38 młrd było atrymana za ciažkuju artyleryju, $1,27 młrd — za balistyčnyja rakiety, a $849 młn — za adpraŭku paŭnočnakarejskich sałdat u Rasiju. Pavodle acenak ukrainskich śpiecsłužbaŭ, da kanca 2025 hoda Paŭnočnaja Kareja zabiaśpiečvała da 50% patrebaŭ Rasii ŭ najbolš zapatrabavanych artyleryjskich bojeprypasach kalibraŭ 122 mm i 152 mm.
Atrymanyja miljardy Kim vykarystoŭvaje dla raźvićcia svaich jadziernaj i rakietnaj prahram. Za apošnija dva hady Paŭnočnaja Kareja pradstaviła svaje najbujniejšyja vajennyja karabli i madernizavała balistyčnyja rakiety.
Viadomy śpiecyjalist pa KNDR Andrej Łańkoŭ taksama ŭ svaich intervju i lekcyjach adznačaje, što za apošni čas dziakujučy vajnie značna padros dabrabyt hramadzian KNDR. Naprykład, na vulicach paboleła mašyn, choć jany dastupnyja tolki vielmi bahatym.
Kamientary
Vmiestie s tiem, on otpravił svoju sołdatniu na sovieršienno čužuju dla Koriei vojnu, połučiv potok hrobov v svoi dalnievostočnyje uhod́ja.
Sdiełav dalokuju dla koriejciev sieviera Ukrainu nastojaŝim vrahom.
Vyihrał na korotkoj distancii, no proihrał v dołhosročnoj pierśpiektivie. Takoje, 50/50.