Alaksandr Łukašenka paraiŭ biełarusam źviarnuć uvahu na chacinh i bolš aktyŭna nabyvać pustyja damy i ŭčastki ŭ nievialikich nasielenych punktach, dalej ad haradskoj mituśni. Pra heta jon zajaviŭ na naradzie pa pytańniach zabieśpiačeńnia sielskaha nasielnictva šyrokim asartymientam tavaraŭ, piša BiełTA.
Jon źviarnuŭ uvahu, što ŭ Biełarusi raźvivajuć apornyja sielskija nasielenyja punkty — ahraharadki i bujnyja vioski. Tam ramantujuć i budujuć novyja darohi, a taksama pastajanna pavyšajuć patrabavańni da handlovaha absłuhoŭvańnia na vioscy.
Jon upeŭnieny, što ŭ budučyni mienavita ahraharadki i bujnyja vioski (byłyja centry kałhasaŭ i saŭhasaŭ) zastanucca i buduć raźvivacca. Dla handlu heta zručna, bo jany ŭ asnoŭnym raźmieščany pablizu bujnych daroh. A voś nievialikija viosački, mahčyma, častkova źniknuć abo pieraŭtvoracca ŭ inšyja farmaty.
Adzin ź ich — taki sučasny modny kirunak, jak chacinh. Maŭlaŭ, jon užo atrymaŭ raspaŭsiudžańnie ŭ Biełarusi, ale pakul hałoŭnym čynam dziakujučy rasijanam (pa-rusku «iźbinh»).
«Volnych miescaŭ chapaje», — adznačyŭ Łukašenka.
«Akazvajecca, rasijanie — jany baćku pačuli — skuplajuć hetyja ŭčastki. Tym bolš što ŭ Biełarusi raźvitaja sistema daroh — čyhunačnych i aŭtamabilnych, usio jość. I jany skuplajuć pustyja chaty, ramantujuć ich, pryvodziać u paradak, niedzie znosiać, — skazaŭ jon. — A biełarusy mianie nie čujuć».
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu6
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Bucharynh i machačynh - taksama papularnyja nakirunki.
A kali sur jezna - situacyja ŭžo dajšła da marazmu - pry najaŭnaści svaich słoŭ ciahnuć anhlicyzmy. A tut ŭžo navat skreščvajuć svaju movu z anhlijskaj.