Pamiatajecie błohiera, jakoha ŭ 17 hadoŭ zatrymali za machinacyi z hrašyma dla dziciaci z SMA? Jaho 38‑hadovaja kachanaja ciažarnaja
Błohierka Jaŭhienija Tarasienka dapamahała Michaiłu Drahunu rabić rozyhryšy pryzoŭ. Žančyna pryznałasia padpisčykam, što ciažarnaja. Ciapier jana čakaje nie tolki kachanaha na svabodzie, ale i dzicia ad jaho.
Michaił Drahun i Jaŭhienija Tarasienka — papularnyja ŭ Hrodnie błohiery. U 2024 hodzie para navat paŭdzielničała ŭ praŭładnym realici-šou «Fabryka błohieraŭ».
Ale mnohija pra ich daviedalisia paśla hučnaha skandału z dabračynnym zboram.
Zhodna z aficyjnaj infarmacyjaj, razam sa svajoj kachanaj Michaił prapanoŭvaŭ padpisčykam za 10 rubloŭ udzielničać u rozyhryšy, dzie hałoŭnymi pryzami byli smartfony ci aŭtamabil. Arhanizatary zajaŭlali, što tolki nievialikaja častka hrošaj pojdzie na pryzy, a ŭsiu astatniuju sumu addaduć na lačeńnie chłopčyka. Źbirali hrošy dla vaśmihadovaha Vani Ściacenki, u jakoha ciažkaja hienietyčnaja chvaroba — mijadystrafija Dziušena. Nieabchodny chłopcu ŭkoł kaštavaŭ 2,9 miljona dalaraŭ.
Ahułam błohierami było sabrana 1,5 miljona rubloŭ. Ale mamie chvoraha dziciaci jany pieradali tolki 200 tysiač rubloŭ, 315 tysiač vydatkavali na pryzy dla ŭdzielnikaŭ strymu. Astatniaje puścili na šykoŭnaje žyćcio.
Michaił trapiŭ za kraty, jašče kali jamu było 17.
Sioleta ŭ lipieni jaho sudzili. Drahuna pryznali vinavatym u pryčynieńni majomasnaj škody šlacham padmanu i złoŭžyvańnia davieram, a taksama ŭ paklopie. Akramia taho, kala 130 tysiač rubloŭ, jakija sud pryznaŭ dachodam ad złačynstva, kanfiskavanyja ŭ dachod dziaržavy.
Michaiłu dali adzin hod i šeść miesiacaŭ pazbaŭleńnia voli.
U SIZA Drahun znachodzicca ź siaredziny śniežnia 2025 hoda, a pakolki dla niepaŭnaletnich dzień u SIZA zaličvajecca za dva, to da vychadu na svabodu jamu zastajecca ŭžo nie tak šmat času.
Jaŭhienija ŭ svaim telehram-kanale i novym instahramie raspaviadaje padpisčykam, jak padtrymlivaje kachanaha.
Siońnia 38‑hadovaja błohierka pryznałasia, što ciažarnaja. Jana raspaviała i dramatyčnuju historyju svajho maciarynstva. Kaža, što ŭ pieršym šlubie nie mahła zaciažaryć 7 hadoŭ. A kali jaje pieršamu synu było 2 hady, jana znoŭ zaciažaryła — na žal, skončyłasia ŭsio trahična: na 32‑m tydni płod zahinuŭ.
Letaś u studzieni Tarasienka raskazała pra svoj razvod. Darečy, były muž Jaŭhienii taksama papularny błohier sa 133 tysiačami padpisčykaŭ.
Ciapier ža na pytańni pra płany ciažarnaja Jaŭhienija adkazvaje: «Razabracca z usimi pytańniami, jakija zastalisia niavyrašanymi, dačakacca kachanaha i prosta być ščaślivaj».
Vynieśli prysud hrodzienskamu błohieru, jakoha vinavacili ŭ machinacyjach sa zboram na Vaniu Ściacenku
17‑hadovaha hrodzienskaha błohiera znoŭ zatrymali, užo pa novaj spravie za paklop
Zbor dla Vani Ściacenki zakryli hrašyma z aryštavanych srodkaŭ hrodzienskich błohieraŭ
17‑hadovy błohier, jaki šykavaŭ na hrošy sa zboru na chvoraje dzicia, znoŭ źbirajecca razyhryvać ajfony
Błohier z Hrodna, jakoha abvinavacili ŭ machlarstvie na hrašach dla chvoraha dziciaci, u instahramie prakamientavaŭ svaju spravu
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich10
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1515
Kamientary