17‑hadovy błohier i jaho 37‑hadovaja dziaŭčyna patracili na siabie miljon rubloŭ, sabrany na dabračynnaść
U Hrodnie zatrymanyja «viadomyja błohiery», jakija sabrali 1,5 miljona rubloŭ na lačeńnie dziciaci, ale na dabračynnaść addali kapiejki, paviedamlaje MUS.
17‑hadovy hrodzieniec i jaho 37‑hadovaja sužycielka źbirali srodki na lačeńnie ciažkachvoraha dziciaci.
Padpisčykam jany prapanoŭvali za 10 rubloŭ udzielničać u rozyhryšy, dzie hałoŭnymi pryzami byli smartfony ci aŭtamabil. Arhanizatary zajaŭlali, što tolki nievialikaja častka hrošaj pojdzie na pryzy, a ŭsia astatniaja suma budzie nakiravana na lačeńnie chłopčyka.
Ahułam było sabrana 1,5 miljona rubloŭ, paviedamlaje MUS.
Ale mamie chvoraha dziciaci jany pieradali tolki 200 tysiač rubloŭ; 315 tysiač vydatkavali na pryzy dla ŭdzielnikaŭ strymu.
Astatni miljon rubloŭ, pavodle MUS, para patraciła na pryhožaje žyćcio — pajezdki ŭ premijalnyja tury na Maldyvy i ŭ AAE, arendu elitnaha žylla, azartnyja hulni i inšyja zabavy.
Zaviedzienaja kryminalnaja sprava za machlarstva ŭ asabliva bujnym pamiery.
Zatrymanym pahražaje da 12 hadoŭ pazbaŭleńnia voli. Ich imiony nie nazyvajucca.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary
zrešty dabračynny biznes tak i pracuje.
Navat tyja 200 tysiač, što zdajecca pajšli pa pryznačeńni, u vyniku asiaduć u niejkaj izrailskaj klinicy.
A cud tak i nie zdarycca.