Błohier z Hrodna, jakoha abvinavacili ŭ machlarstvie na hrašach dla chvoraha dziciaci, u instahramie prakamientavaŭ svaju spravu
17‑hadovy hrodzienski błohier Michaił Drahun, jakoha razam ź jahonaj 37‑hadovaj partniorkaj Jaŭhienijaj Tarasienka zatrymlivali pa abvinavačvańni ŭ machlarstvie na zbory srodkaŭ dla ciažkachvoraha dziciaci, viarnuŭsia ŭ sacsietki i prakamientavaŭ abvinavačańni. Niadaŭna paru vypuścili z-pad varty dachaty.
U storys chłopiec prapanavaŭ čytačam zadać jamu pytańni. Ale jaho adkazy byli raspłyvistymi.
Na pytańnie, ci mahli b padziei raźvivacca inakš, kali b nie ich «pryhožaje žyćcio», błohier adkazaŭ: «Ja dumaju, što ja zaŭsiody pryhoža žyŭ — i ź interaktyvami [rozyhryšami pryzoŭ], i da ich. Nie viercie tamu, što pišuć naviny. Uklučycie mozh».
U jaho spytali pra «adnosiny z Ženiaj». «Niama ničoha. Situacyi rasstaŭlajuć usio na svaje miescy», — napisaŭ Drahun.
Nakont viny i źniknieńnia Tarasienka z sacyjalnych sietak, chłopiec napisaŭ krychu bolš:
«Tamu što ŭ adzin dzień u abodvuch kanfiskavali ŭsio. Usio, što było nažyta da [skandału], taksama kanfiskavali. U jaje niama dostupu vyjści ŭ śviet (ja dumaju tak). Ja b siadzieŭ na [dupie] roŭna i maŭčaŭ, kali b byŭ vinavaty. Jak vy mahli ŭžo zrazumieć, svajoj viny ja nie baču. Ženinaj tym bolš. Jana pajšła čysta z-za mianie… Da nichto naohuł nie vinavaty, niachaj spačatku dakładnyja ličby dajuć, a potym užo abviaščajuć machlarami», — napisaŭ błohier.
Bolš padrabiazna sutnaść abvinavačańniaŭ i svajoj niazhody ź imi Drahun nie raskryŭ.
U adkaz na adno z pytańniaŭ — «Čym mahu vam dapamahčy?» — jon raźmiaściŭ zaklik ab dapamozie ŭ zbory hrošaj na lačeńnie Vani Ściacenki, u jakoha ciažkaja hienietyčnaja chvaroba — mijadystrafija Dziušena.
4 listapada stała viadoma, što błohieraŭ zatrymali pa padazreńni ŭ machlarstvie ŭ asabliva bujnym pamiery. Pavodle źviestak MUS, jany źbirali hrošy, pravodziačy rozyhryšy pryzoŭ z płatnym udziełam — za 10 rubloŭ. Błohiery zajaŭlali, što amal usia suma pojdzie na lačeńnie dziciaci. Ale z sabranych 1,5 miljona rubloŭ mamie dziciaci addali tolki kala 200 tysiač.
7 listapada abodva błohiery byli adpuščanyja pad padpisku.
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na miljon, skradzieny sa zboru na chvoraje dzicia?
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
Błohieraŭ, jakija prahulali miljon dabračynnych hrošaj, adpuścili dachaty
Maci chłopčyka z Hrodna, jakomu dapamahali źbirać hrošy zatrymanyja błohiery: Jany pieradali nam 257 tysiač, dla nas heta vielizarnyja hrošy
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary