Naŭrocki: Ukraina moža raźličvać na dapamohu, bo tam, dzie bjuć maskala — Polšča dapamahaje
«Ale taksama ŭ stratehičnych intaresach Polščy — kab banderaŭskija ściahi nie łunali ni ŭ Varšavie, ni ŭ Polščy».
Prezident Polščy Karal Naŭrocki ŭ pramovie, pryśviečanaj hadavinie svajho znachodžańnia na pasadzie, adznačyŭ, što dapamoha Ukrainie, u pryvatnaści ŭ jaje baraćbie z Rasijaj, adpaviadaje stratehičnym intaresam Varšavy, ale ŭ histaryčnych pytańniach jon ličyć nieabchodnym stajać na svaim, paviedamlaje «Jeŭrapiejskaja praŭda».
U častcy pramovy, pryśviečanaj Ukrainie, Naŭrocki zajaviŭ, što ličyć nieabchodnym praciahvać padtrymku Kijeva ŭ baraćbie z rasijskaj ahresijaj, bo pośpiech Ukrainy — u stratehičnych intaresach Polščy.
«Intares Polščy — u tym, kab Ukraina i ŭkrainskija vajskoŭcy jak maha lepš spraŭlalisia z postsavieckaj Rasijskaj Fiederacyjaj i trymali jaje jak maha dalej ad Polščy. Heta vidavočna, heta dziaržaŭnaja stratehija Polščy. Niachaj zabivajuć «savietaŭ», jakija na ich napali… U hetym jany zaŭsiody mohuć raźličvać na našu dapamohu, bo tam, dzie bjuć maskala — Polšča dapamahaje, navat kali niepasredna nie ŭdzielničaje ŭ vajnie. Heta ŭ stratehičnych intaresach Polščy», — skazaŭ Naŭrocki.
«Ale taksama ŭ stratehičnych intaresach Polščy — kab banderaŭskija ściahi nie łunali ni ŭ Varšavie, ni ŭ Polščy. My možam dapamahać, i možam patrabavać; my možam supracoŭničać jak partniory i dasiahnuć uzajemarazumieńnia pa fundamientalnych pytańniach… My budziem dapamahać, ale zaŭsiody sa słovami: Polšča pierš za ŭsio, palaki pierš za ŭsio», — zajaviŭ jon.
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3636
Kamientary