«Jasna adno: bieśpiłotnik pieravoziŭ značnuju kolkaść vybuchoŭki», — zajaviŭ premjer krainy.
Premjer-ministr Rumien Radzieŭ paviedamiŭ, što bieśpiłotnik vybuchnuŭ na terytoryi Bałharyi prykładna za 100 mietraŭ ad miažy z Rumynijaj. Pra heta premjer zajaviŭ paśla pasiadžeńnia Rady biaśpieki ŭ Safii.
Pavodle jaho słoŭ, bieśpiłotnik vybuchnuŭ niepasredna kala pamiežnaha punkta Kardam na miažy z Rumynijaj, na paŭnočnym uschodzie krainy, kala ŭźbiarežža Čornaha mora, prykładna za 1000 mietraŭ ad kampresarnaj stancyi hazapravoda Trans-Balkan.
Paciarpiełych i materyjalnaj škody niama.
Supracoŭniki pamiežnaj palicyi Bałharyi i Ministerstva abarony pracujuć nad vyśviatleńniem pachodžańnia bieśpiłotnika, paviedamiŭ Radzieŭ.
Paśla vybuchu bieśpiłotnik upaŭ na pole słaniečnikaŭ, dadaŭ premjer-ministr.
Šum bieśpiłotnika byŭ zafiksavany rumynskaj pamiežnaj palicyjaj, a zatym patrul bałharskaj pamiežnaj palicyi zarehistravaŭ mahutny vybuch, paśla jakoha padniaŭsia husty čorny dym, paviedamiŭ Radzieŭ.
«Jasna adno: bieśpiłotnik pieravoziŭ značnuju kolkaść vybuchoŭki, uličvajučy, što jaho było čuvać na vialikaj adlehłaści i što paśla vybuchu padniałosia stolki čornaha dymu», — skazaŭ jon.
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary