Na miažy Biełarusi z krainami ES sabrałasia bolš za 830 aŭtamabilaŭ
Na miažy Biełarusi z krainami Jeŭrasajuza ŭ čerhach znachodziacca bolš za 830 lehkavych i hruzavych aŭtamabilaŭ, a taksama pasažyrskija aŭtobusy, śviedčać danyja Dziaržaŭnaha pamiežnaha kamiteta.
Najbolšaja kolkaść lehkavikoŭ na 16:00 sabrałasia na miažy z Polščaj. U punkcie propusku «Bruzhi» svajoj čarhi čakajuć 110 aŭtamabilaŭ, u «Bierastavicy» — 80, a ŭ «Breście» — 147. U apošnim punkcie propusku vyjezdu čakajuć jašče 14 pasažyrskich aŭtobusaŭ.
Na biełaruska-litoŭskaj miažy čarha ź lehkavych aŭtamabilaŭ utvaryłasia tolki ŭ punkcie propusku «Kamienny Łoh», dzie vyjezdu ŭ Litvu čakajuć 80 mašyn.
Na miažy z Łatvijaj u punkcie propusku «Hryharoŭščyna» ŭ čarzie znachodziacca 12 lehkavych aŭtamabilaŭ.
Vialikija čerhi nazirajucca i siarod hruzavoha transpartu. Najbolš fur čakaje na litoŭskim napramku: u «Kamiennym Łohu» — 80, a ŭ «Bieniakoniach» — 150.
Na polskaj miažy pierad punktam propusku «Kazłovičy» stajać 123 hruzaviki, jašče 15 čakajuć prajezdu praz «Bierastavicu».
Na łatvijskim kirunku ŭ «Hryharoŭščynie» svajoj čarhi čakajuć 37 hruzavych aŭtamabilaŭ.
Dadatkovyja ciažkaści ŭźnikli paśla taho, jak łatvijski bok prypyniŭ ruch praz punkt propusku «Paternijeki», jaki adpaviadaje biełaruskamu punktu «Hryharoŭščyna». Pavodle infarmacyi biełaruskich mytnych orhanaŭ, ruch byŭ spynieny pozna ŭviečary 31 lipienia i pakul nie adnoŭleny.
U vyniku na siońnia transpartny ruch praź biełaruska-łatvijskuju miažu faktyčna spynieny, pakolki druhi punkt propusku na hetym učastku — «Urbany» («Silenie» z łatvijskaha boku) — byŭ zakryty Łatvijaj jašče ŭ 2023 hodzie.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary
počti vsie avtobusy pustyje, biez passažirov, očieried́ sozdana iskusstvienno starymi zapadnymi avtobusami proizvodstva, vsie oni soobŝienija libo Briest-Tieriespol-Briest libo Briest-Biała-Podlaska-Briest.Takov biźnies s zapołnienijem piervych avtobusov. biełorusskim vłastiam "po barabanu".