Kolki biełarusaŭ atrymali polskaje hramadzianstva za apošni čas. Ličby ŭražvajuć
Z kožnym hodam kolkaść atrymalnikaŭ pavialičvajecca.
Polski pašpart maje šalonuju papularnaść u biełarusaŭ
Biełarusy zajmajuć druhi radok paśla ŭkraincaŭ pa kolkaści atrymalnikaŭ polskaha pašparta. Praŭda, kali hladzieć na danyja z papraŭkaj na ahulnuju kolkaść nasielnictva samich Biełarusi i Ukrainy, to papularnaść atrymańnia polskaha pašpartu samaja vialikaja mienavita ŭ biełarusaŭ.
Admietna, što na trecim miescy iduć rasijanie, praŭda, ź vialikim adstavańniem.
Kali letaś polski pašpart atrymali kala 10 tysiač ukraincaŭ i kala 6500 biełarusaŭ, to rasijan było ŭsiaho 759 čałaviek, ale heta nie zaminaje im zajmać treci radok, pryčym daloka nie pieršy hod.
Ahułam atrymlivajecca, što ŭ 2025 hodzie z 19 tysiač novych hramadzian Polščy — 17 tysiač (abo 90%) prypadaje na ŭkraincaŭ, biełarusaŭ i rasijan.
Kala 60% atrymalnikaŭ polskaha hramadzianstva składajuć asoby, jakija majuć polskaje pachodžańnie.
Kolkaść biełarusaŭ z polskim pašpartam raście kožny hod
U 2022 hodzie polskaje hramadzianstva atrymali 3400 biełarusaŭ.
U 2023‑m užo kala 4400 biełarusaŭ stali hramadzianami Polščy.
U 2024‑m hramadzianami Polščy stali amal 5700 biełarusaŭ.
Pa vynikach 2025 hoda hetaja ličba dasiahnuła 6500 čałaviek.
Atrymlivajecca, što tolki za apošnija čatyry hady polski pašpart atrymali kala 20 tysiač hramadzian Biełarusi.
I jak bačna pa statystycy, kolkaść novych hramadzian Polščy ź liku hramadzian Biełarusi stabilna raście. Dla paraŭnańnia, u 2020‑2021 hadach polskija pašparty atrymlivali kala 2100 biełarusaŭ štohod.
I kali Polšča nie ŭniasie źmieny ŭ zakony, jakija rehulujuć atrymańnie hramadzianstva (a takija razmovy hučać usio čaściej), to ličba biełarusaŭ, jakija atrymlivajuć polski pašpart, praciahnie raści. Z kožnym hodam usio bolš biełarusaŭ dasiahajuć toj časavaj adznaki, paśla jakoj možna padavacca na atrymańnie hramadzianstva, navat nie majučy polskich karanioŭ.
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary