Siostry Hruździevy ciapier važać pad 100 kiłahramaŭ kožnaja
Śpiavački nabrali pa 40 kh, tamu apošnim časam nie pakazvajuć siabie.
Siostry Hruździevy ŭ instahramie (jany majuć ahulny akaŭnt) zrabili pryznańnie: «Siabry, vielmi šmat pytańniaŭ u asabistych, čamu my ciapier siabie nie pakazvajem. Adkazvajem. My vielmi mocna raspaŭnieli. Stali vielmi toŭstymi. Važym kožnaja pa 95 kiłahramaŭ. Ale Vala na dva kiłahramy ŭžo zmahła schudnieć za miesiac. A ja siońnia ŭstała na vahi i była amal 97 kiłahramaŭ».
Praŭładnyja artystki dadali, što nikoli nie dumali, što mohuć tak raspaŭnieć — zvyčajna ich vaha była ažno na 40 kiłahramaŭ mienš (55‑57 kiłahramaŭ). Ciapier prosiać u padpisčykaŭ parady, jak schudnieć i viarnucca da zvykłych ličbaŭ na vahach.
Historyju nie moh praihnaravać błohier «O(b)suždajem» Hleb Siamionaŭ. Jon pažartavaŭ u storys: «Nu i čyj praklon u vyniku pieramoh, viedźmački?».
Sprava ŭ tym, što Hruździevy lubiać raspaviadać pra svaje zvyšzdolnaści (vychvalajucca, što kaliści daŭno nad imi ŭ Manholii praviali niejki tajamničy rytuał). Praz svaju luboŭ da mahii siostry sioleta trapili ŭ skandał, kali na šou ANT «Jašče nie viečar» nakryčali na śviatara.
Jany nie adnojčy ŭ instahramie pahražali Siamionavu praklonami i sprabavali napužać «prarockimi» snami pra jaho.
Darečy, tema charčavańnia dla artystak sapraŭdy staić davoli vostra. Minuły raz, kali Hleb datelefanavaŭsia da Valanciny Hruździevaj, jana pačała škadavać biełarusaŭ u Polščy praz toje, što jany byccam by nie mohuć nabyć narmalnaha miasa.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Siostram Hruździevym nie dazvolili vystupić na hałoŭnym forumie ŭ Dzień adzinstva, a padpisčyki zapadozryli ich u zdradzie
Siostry Hruździevy śćviardžajuć, što viedajuć imiony arhanizataraŭ i vykanaŭcaŭ teraktu ŭ «Krokus Sici Choł»
Kamientary
Nu začem ty na nač vmiestie s etaj bulbaj žroš miasa i łažyšsia spať? Kak ty budieš spať? Nie ješ s miasam, sješ s sialodkaj!
nie słuchalisia svajho baćku, voś i vynik