Спявачкі набралі па 40 кг, таму апошнім часам не паказваюць сябе.
Сёстры Груздзевы ў інстаграме (яны маюць агульны акаўнт) зрабілі прызнанне: «Сябры, вельмі шмат пытанняў у асабістых, чаму мы цяпер сябе не паказваем. Адказваем. Мы вельмі моцна распаўнелі. Сталі вельмі тоўстымі. Важым кожная па 95 кілаграмаў. Але Валя на два кілаграмы ўжо змагла схуднець за месяц. А я сёння ўстала на вагі і была амаль 97 кілаграмаў».
Праўладныя артысткі дадалі, што ніколі не думалі, што могуць так распаўнець — звычайна іх вага была ажно на 40 кілаграмаў менш (55‑57 кілаграмаў). Цяпер просяць у падпісчыкаў парады, як схуднець і вярнуцца да звыклых лічбаў на вагах.
Гісторыю не мог праігнараваць блогер «О(б)суждаем» Глеб Сямёнаў. Ён пажартаваў у сторыс: «Ну і чый праклён у выніку перамог, ведзьмачкі?».
Справа ў тым, што Груздзевы любяць распавядаць пра свае звышздольнасці (выхваляюцца, што калісьці даўно над імі ў Манголіі правялі нейкі таямнічы рытуал). Праз сваю любоў да магіі сёстры сёлета трапілі ў скандал, калі на шоу АНТ «Яшчэ не вечар» накрычалі на святара.
Яны не аднойчы ў інстаграме пагражалі Сямёнаву праклёнамі і спрабавалі напужаць «прароцкімі» снамі пра яго.
Дарэчы, тэма харчавання для артыстак сапраўды стаіць даволі востра. Мінулы раз, калі Глеб датэлефанаваўся да Валянціны Груздзевай, яна пачала шкадаваць беларусаў у Польшчы праз тое, што яны быццам бы не могуць набыць нармальнага мяса.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы
Сёстры Груздзевы драматычна расказалі, як іх выкінуў за дзверы міністр культуры Руслан Чарнецкі. «Як сабак»
Сёстрам Груздзевым не дазволілі выступіць на галоўным форуме ў Дзень адзінства, а падпісчыкі западозрылі іх у здрадзе
Сёстры Груздзевы сцвярджаюць, што ведаюць імёны арганізатараў і выканаўцаў тэракту ў «Крокус Сіці Хол»
Цяпер чытаюць
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Ну зачэм ты на нач вместе с этай бульбай жрош мяса и лажышся спать? Как ты будешь спать? Не еш с мясам, съеш с сялёдкай!
не слухаліся свайго бацьку, вось і вынік