Сёстры Груздзевы сцвярджаюць, што ведаюць імёны арганізатараў і выканаўцаў тэракту ў «Крокус Сіці Хол»
У сваім інстаграме праўладныя спявачкі сёстры Груздзевы любяць апісваць свае дзіўныя сны, праз якія Валянціна і Аляксандра быццам бы атрымліваюць знакі і могуць прадказваць будучыню. Пасля таго, як з’явіліся навіны пра тэракт у «Крокус Сіці Холе», артысткі паспяшаліся паведаміць у сторыс, што даведаліся пра яго ў сне напярэдадні ноччу.
Адна з сясцёр (складана сказаць, хто менавіта, бо вядуць агульны інстаграм Груздзевы адначасова) напісала, што бачыла нядобры сон, пасля якога яна ўвесь дзень адчувала жах і чакала чагосьці дрэннага.
Дарэчы, у пачатку сакавіка Груздзевы ўжо прадказвалі тэракт — праўда, у Беларусі, — і загадзя абвінавачвалі ў ім апазіцыю. Аб гэтым сне яны таксама вырашылі нагадаць цяпер:
— Божа… Што ж за сон мне сёння прысніўся… І калі гэта сапраўды адбудзецца?! Ну такое ж не можа проста так прысніцца… Я ж ведаю… такія сімвалы… Адназначныя… Страшныя… Апазіцыя… Нелюдзі… Што ж вы рыхтуеце… — пісалі Груздзевы ў сторыс.
Кароткі змест таго самага сну: выступае нейкая спявачка і падчас яе канцэрта раздаецца выбух.
Скончыць эзатэрычны сеанс у сторыс Груздзевы вырашылі скрыншотам паста Рыгора Лепса, у якім той шле праклёны арганізатарам і выканаўцам тэракту. Канешне, Груздзевы, у адрозненне ад расійскіх сілавікоў, ужо ведаюць іх імёны.
— Рыгор Лепс вось так напісаў… А калі б толькі ён ведаў, каго ён пракляў. Мне прысніліся гэтыя імёны.
Трэба адзначыць, што некаторыя сны сясцёр Груздзевых сапраўды здзяйсняюцца. Напрыклад, пра тое, што Пуцін пераможа на выбарах, артысткам паведаміў Сталін. Так, даўно памерлы генсек не паленаваўся асабіста з'явіцца ў сне беларускім спявачкам, каб агучыць спойлер.
Анжаліка Мельнікава тыдзень правяла на Шры-Ланцы і вылецела з дзецьмі ў Дубай36
Каментары