Siostry Hruździevy śćviardžajuć, što viedajuć imiony arhanizataraŭ i vykanaŭcaŭ teraktu ŭ «Krokus Sici Choł»
U svaim instahramie praŭładnyja śpiavački siostry Hruździevy lubiać apisvać svaje dziŭnyja sny, praź jakija Valancina i Alaksandra byccam by atrymlivajuć znaki i mohuć pradkazvać budučyniu. Paśla taho, jak źjavilisia naviny pra terakt u «Krokus Sici Chole», artystki paśpiašalisia paviedamić u storys, što daviedalisia pra jaho ŭ śnie napiaredadni nočču.
Adna ź siaścior (składana skazać, chto mienavita, bo viaduć ahulny instahram Hruździevy adnačasova) napisała, što bačyła niadobry son, paśla jakoha jana ŭvieś dzień adčuvała žach i čakała čahości drennaha.
Darečy, u pačatku sakavika Hruździevy ŭžo pradkazvali terakt — praŭda, u Biełarusi, — i zahadzia abvinavačvali ŭ im apazicyju. Ab hetym śnie jany taksama vyrašyli nahadać ciapier:
— Boža… Što ž za son mnie siońnia pryśniŭsia… I kali heta sapraŭdy adbudziecca?! Nu takoje ž nie moža prosta tak pryśnicca… Ja ž viedaju… takija simvały… Adnaznačnyja… Strašnyja… Apazicyja… Nieludzi… Što ž vy rychtujecie… — pisali Hruździevy ŭ storys.
Karotki źmiest taho samaha snu: vystupaje niejkaja śpiavačka i padčas jaje kancerta razdajecca vybuch.
Skončyć ezateryčny sieans u storys Hruździevy vyrašyli skrynšotam pasta Ryhora Lepsa, u jakim toj šle praklony arhanizataram i vykanaŭcam teraktu. Kaniešnie, Hruździevy, u adroźnieńnie ad rasijskich siłavikoŭ, užo viedajuć ich imiony.
— Ryhor Leps voś tak napisaŭ… A kali b tolki jon viedaŭ, kaho jon praklaŭ. Mnie pryśnilisia hetyja imiony.
Treba adznačyć, što niekatoryja sny siaścior Hruździevych sapraŭdy ździajśniajucca. Naprykład, pra toje, što Pucin pieramoža na vybarach, artystkam paviedamiŭ Stalin. Tak, daŭno pamierły hiensiek nie palenavaŭsia asabista źjavicca ŭ śnie biełaruskim śpiavačkam, kab ahučyć spojler.
Adkaznaść za terakt u «Krokusie» ŭziaŭ na siabie IDIŁ. ZŠA paćviardžaje
Źjaviłasia poŭnaje videa ŭciokaŭ ludziej z «Krokus Choła» paśla pačatku stralaniny
Što takoje «Krokus Sici Choł» i kamu jon naležyć
Cichanoŭskaja vykazała spačuvańni ŭ suviazi z teraktam u «Krokusie» i paprasiła biełarusaŭ dbać pra svaju biaśpieku
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary