Лукашэнка аб прызначэнні генерала Муравейкі: Гэта мой асабісты выбар, мне трэба альтэрнатыўны погляд на сілавікоў
Лукашэнка патлумачыў прызначэнне былога начальніка Генштаба намеснікам кіраўніка сваёй Адміністрацыі.
Каментуючы кадравую перастаноўку, Лукашэнка сказаў пра магчымыя спекуляцыі вакол гэтага рашэння, піша БелТА.
«Шмат будзе спекуляцый, пэўных заяў і гэтак далей: «Лукашэнка паддаўся сілавікам, прызначыў у Адміністрацыю прэзідэнта былога начальніка Генеральнага штаба. Гэта звязана з узмацненнем нейкага там складніка сілавікоў», — сказаў Лукашэнка.
«Калі камусьці выгадна так казаць і разважаць, калі ласка. Я абсалютна не супраць. Але тое, што ідзе ўзмацненне гэтага складніка — сілавога сектара і напрамку нашай краіны, — гэта натуральна. Бо мы бачым, што адбываецца вакол нашай краіны. Мне як прэзідэнту і галоўнакамандуючаму Узброенымі сіламі вельмі важна мець некалькі, калі хочаце, альтэрнатыўных пунктаў гледжання на сітуацыю ў нашых сілавых падраздзяленнях», — заўважыў Лукашэнка.
Ён дадаў, што ў сувязі з гэтым прызначэннем могуць з'явіцца чуткі пра нібыта ангажаванае прасоўванне.
Лукашэнка таксама сказаў, што кандыдатуру Муравейкі ў Адміністрацыю прапанаваў сам.
«Калі хтосьці скажа, што гэта ледзь не родны брат прэзідэнта, той памыляецца, таму што я вас нават да пасады начальніка Генштаба практычна і не ведаў. І ў мяне ўвогуле такіх падыходаў няма — «свой — чужы». Усе, хто сядзіць за гэтым сталом, не чужыя мне людзі. Вы прайшлі сур'ёзны экзамен, шлях разам са мной», — падкрэсліў ён.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары