У Гомелі стары спісаны буксірны цеплаход, які ўжо некалькі гадоў не выкарыстоўваецца, нечакана адправіўся ў самастойнае плаванне па Сожы ўздоўж гарадской набярэжнай. Пры гэтым на борце ў яго нікога не было, піша выданне «Моцныя навіны».
Як высветлілася, ніякай таямніцы і тым больш містыкі ў гэтым не было. Проста моцны вецер абарваў швартоўны трос, пасля чаго судна пачало дрэйфаваць па рацэ. Яго своечасова заўважылі, затрымалі і адбуксавалі назад у затоку.
Пасля здарэння Гомельская транспартная пракуратура правяла праверку. Высветлілася, што служба, якая адказвае за судны, кепска выконвала свае абавязкі. Яна не кантралявала належным чынам прышвартаваныя судны, а дзяжурнае судна не сачыла за затокай.
У выніку трох супрацоўнікаў прыцягнулі да дысцыплінарнай адказнасці. Суднаўладальніку таксама вынеслі адміністрацыйны пратакол. На прадпрыемстве пасля праверкі навялі парадак.
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
У Пінску прадаюць гастрабар на цеплаходзе. Колькі просяць?
Круіз на цеплаходзе «Белая Русь» па рэках Палесся каштуе як адпачынак у Турцыі. Але каюты на вясну-лета амаль выкупленыя
Каментары