Сталі вядомыя падрабязнасці аварыі пад Лельчыцамі, у якой разбіліся трое падлеткаў
Пасярод ночы п'яны хлопец узяў без дазволу ключы ад машыны старэйшага брата. Ён выжыў, а трое пасажыраў загінулі.
Следчы камітэт падзяліўся падрабязнасцямі смяротнай аварыі ў Лельчыцкім раёне, дзе загінулі 16‑гадовы і два 17‑гадовыя падлеткі.
Сёння ноччу пяцёра падлеткаў з Лельчыцаў пасля супольнага адпачынку вырашылі пакатацца па раёне. Для гэтага 17‑гадовы хлопец без дазволу ўзяў дома ключы ад Audi свайго старэйшага брата, сеў за стырно і павёз сяброў за горад. Кіроўца і некаторыя падлеткі былі п'янымі.
Прыкладна а 3:30 на 77‑м кіламетры дарогі Мазыр — Лельчыцы — Мікашэвічы — мяжа Украіны юнак не даў рады кіраванню і выехаў на сустрэчную паласу. Пры спробе вярнуцца на сваю паласу аўтамабіль вынесла ў правы кювет, дзе ён сутыкнуўся з дрэвам.
Загінулі двое 17‑гадовых і адзін 16‑гадовы пасажыры. Кіроўцу і яшчэ аднаго 15‑гадовага пасажыра шпіталізавалі.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары
А ўладальнік аўто, якога пабоізу і не было, будзе плаціць кампенсацыі