У Ждановічах сёння адчыніўся будаўнічы гіпермаркет. Што там прадаецца?
Сёння ў Ждановічах афіцыйна адкрыўся новы гіпермаркет «Мацярык». Маштабы аб'екта ўражваюць: гігант плошчай 20 000 квадратных метраў і паркоўкай на 728 машынамесцаў разлічаны на плынь пакупнікоў з усяго горада, піша Onliner.by.
Калісьці на гэтым месцы планавалася адкрыць першы ў Беларусі Leroy Merlin. Аднак праект так і не быў рэалізаваны, а будаўнічая пляцоўка заставалася без руху пяць гадоў, пакуль у 2025 годзе працы не аднавіліся, але ўжо пад новай назвай. І вось цяпер маштабны комплекс гатовы прымаць пакупнікоў.
Унутры наведвальнікаў чакае шыкоўны асартымент — каля 60 000 найменняў тавараў: ад аздобных матэрыялаў і дэкору да будаўнічых інструментаў і элементаў добраўпарадкавання тэрыторыі.
Сярод прыкметных адрозненняў ад іншых крам сеткі — значна пашыраны аддзел зоатавараў, дзе прадстаўлена мноства брэндаў, а таксама істотна павялічаны выбар бытавой хіміі (у продажы з'явіліся зубныя пасты, дэзадаранты і іншыя тавары штодзённага попыту).
Пры гэтым традыцыйны асартымент захаваўся: пакупнікі па-ранейшаму знойдуць тут шырокі выбар пакрыцця для падлогі (ламінат, паркет, лінолеум), шпалер і сантэхнікі.
Акрамя звычайных пакупак, тут будзе працаваць цэлы комплекс карысных паслуг: распілоўванне фанеры, ДВП і ДСП, пашыў штор, аверлок дывановых пакрыццяў, а таксама 3D-дызайн пліткі.
Новы «Мацярык» знаходзіцца па адрасе: вуліца Ціміразева, 118. Графік працы: штодня з 09:00 да 21:00.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары